The Definitive Guide to Living in the Capital , Cairo , Egypt

لو كان فيلم The Mule بيحكي عن تاجر مخدرات كان هيكون فيلم مغامرات تقليدي. لكن لو قولنا إنه بيحكي عن تاجر مخدرات على أعتاب التسعينيات من عمره. وبطل حرب سابق في الحالة دي أول سؤال هيخطر على بالنا. إيه اللي يجبر شخص في السن ده وبالتاريخ ده على الدخول في واحدة من أشرس المهن في العالم؟

هو ده المدخل الرئيسي اللي أستغله كلينت إيستوود علشان يبدأ فيلمه The Mule الفيلم مش بس من بطولته، لكن من إخراجه كمان. والحقيقة أن إيستوود بيقدم سينما جميلة وقوية وقادرة على جذبنا كجمهور من البداية للنهاية.

بالإضافة للأداء التمثلي القوي الفيلم بيقدم سيناريو محكم وقادر على نقلنا من نقطة للتانية بسهولة وبساطة. وفي نفس الوقت مش بيتركنا للملل من خلال سلسلة من المواقف والمصادفات المصممة بتكنيك جذاب.

بالإضافة للسيناريو القوي بنشوف حالة من التوحد بين حياة كلينت ايستوود وظروفه العمرية والفنية وبين بطل الفيلم. حالة الوحدة دي بتخلي الدور لايق عليه جدًا وبتخليه قادر يقدم أداء تمثيلي نابع من منطقة شخصية متوحدة مع بطل الفيلم. وكون الفيلم مقتبس عن قصة حقيقية تم تناولها في مقالة صحفية لسام دولنك وكتب السيناريو لها نيك شينك كل دي أمور ساعدت في تقديم فيلم أقوى وأحداث أكثر ترابطاً.

The Mule مش مجرد فيلم مخدرات تقليدي. لكنه حالة سينمائية جميلة تستحق المشاهدة.

علشان تبقى عارف: بدأ تصوير الفيلم في يونيو 2018.