The Secret Life of Pets 2
فيلم The Secret Life of Pets 2: استغلال ناجح للجزء الأول
The Secret Life of Pets 2 انيميشن حياة حيوانات صوت مغامرة-
إريك ستونيستريتباتون أوزوالت...
-
عائليكارتون
-
كريس رينواد
-
في1 Cinema
Mohamed Hamdy
مع النجاح اللي حققه فيلم The Secret Life of Pets، قرر صناع الفيلم استغلال النجاح في تقديم جزء تاني. وعرفوا يلعبوا على نفس العناصر اللي عجبت المشاهدين في الجزء الأول مع قصة جديدة.
في الجزء الثاني من The Secret Life of Pets بنكمل قصة الكلب ماكس، اللي بيعيش مرحلة جديدة في حياته، مع زواج صاحبته وإنجابها لطفل. ومن هنا بيدخل في مغامرة جديدة، بنفس التيمة اللي شوفناها في الجزء الأول.
عجبنا الأداء الصوتي من كل أبطال الفيلم تقريبًا. وعجبنا بشكل عام فكرة الاستعانة بنجوم كبار علشان يقدموا أداء صوتي في أفلام أنيميشن. ونفس الفكرة طبقها عندنا نجوم كبار زي يحي الفخراني ومحمد هنيدي وغيرهم وكانت ناجحة جدًا.
من أجمل الحاجات اللي عجبتنا كمان في الفيلم التحريك الحيوي للشخصيات واختيار الألوان، اللي خلت كل مشهد من مشاهد الفيلم كوكتيل ألوان مبهرة جميلة. هتسيب أثر كويس في نفسية الأطفال اللي بتتفرج على الفيلم.
فيلم The Secret Life of Pets 2 بيحمل رسالة مهمة للأباء، وفي نفس الوقت بيقدم متعة جيدة للأطفال. مع سلسلة مغامرات وكوميديا تستحق المشاهدة.