The Definitive Guide to Living in the Capital , Cairo , Egypt

من أهم العوامل اللي بيهتم صناع أفلام الغموض بيها، هي الجغرافيا أو المكان اللي بتدور فيه الأحداث. وفي حالة فيلم The Vanishing، الجغرافيا لعبت دور مهم في جذب اهتمام المشاهدين للأحداث.

الفيلم بيحكي عن جزيرة على الحدود الاسكتلندية البريطانية. الجزيرة مهجورة وبيتم استخدامها في الصباح لأعمال الرعي فقط. ومع الوقت تم بناء منارة لإرشاد السفن في البحر، خاصة مع زيادة الحوادث في المنطقة. وكان بيقوم على العمل في المنارة 3 رجال، اختفوا في ظروف غامضة.

هي دي القصة الحقيقية اللي أتبنى عليها الفيلم، واللي بيحاول يقدم وجهة نظر صناع الفيلم لسبب وكيفية اختفاء القائمين على المنارة.

الأداء التمثيلي للأبطال كان رائع. لكن طبعًا لا يمكن ننسى الأداء المميز من “جيرارد باتلر”، اللي يعتبر الأفضل في الفيلم.

إيقاع الفيلم كان بطيء في بعض أجزائه. وماقدمش وقت كافي علشان يسلط الضوء على الخلفيات الإنسانية والنفسية للأبطال. ده خلق إحساس بشوية ملل. وخلانا نفتكر المثل المشهور “الحلو مايكملش”. لكن القصة والحبكة بحد ذاتها هتقدر تخرجهم من حالة الملل.

فيلم The Vanishing هايكون مناسب للمشاهدين اللي بيحبوا الأفلام اللي بتجهز حبكتها على نار هادية. كمان الفيلم بيشهد عودة قوية لـ “جيرارد باتلر”، تخلينا نتوقع أنه هايبدأ تاني يستعيد أدواره القوية ومكانته المميزة.