The Definitive Guide to Living in the Capital , Cairo , Egypt

الصراحة أننا كنا تعبنا من معظم أفلام الرعب اللي شوفناها الفترة دي. إما بسبب الفكرة المكررة أو ضعف التنفيذ. لكن فيلم Us قدر يلعب على كل المعادلات دي ويطورها. ويقدم فيلم قادر على جذب انتباهنا. ودي حاجه مش بتحصل كتير في أفلام الرعب مؤخرًا.

الفيلم بيحكي عن أسرة بتحاول تقضي وقت ممتع في أجازتها. لكن هجمات مخيفة وغير مفهومة من مجموعة أشخاص غرباء، بتحول إقامتهم لجحيم. وبتجبرهم على مواجهة أقوى مخاوفهم.

مخرج الفيلم ومؤلفه “جوردان بيل” هو نفسه مخرج ومؤلف فيلم Get Out. من الواضح أنه عاوز يأسس لخط أفلام رعب خاص بيه، علشان يقدم للمشاهدين تجارب مختلفة ترتقي بتصنيف الرعب. اللي أصبح مؤخرًا مرادف لمصطلح الأفلام الضعيفة في هوليوود.

الأداء التمثيلي لأبطال الفيلم كان رائع. وساعد على زيادة جرعة الرعب في الفيلم، اعتماد “جوردان بيل” على المؤثرات الطبيعية. زي الإضاءة وحركة الكاميرا وزوايا التصوير. انتماء جوردان للمدرسة المرعبة القديمة مش بس بيقف عند المؤثرات. لكن كمان اختيار الموسيقى التصويرية، واللي كان في حد ذاته مرعب ومؤثر جدًا.