The Definitive Guide to Living in the Capital , Cairo , Egypt

الميكس اللي بيجمع الغناء مع السينما، بيقدم في الغالب أفلام جيدة. هوليوود قدمت أفلام كتيرة من النوعية دي. وجه الوقت نشوف فيلم بريطاني، بيقدم نسخته عن عوالم الراب في السينما.

فيلم VS. بيحكي عن مغامرة شيقة في عالم الراب، من خلال قصة صعود نجم في عالم مش بيعترف غير بقوة الكلمات، وطريقة غناها بسرعة. بالإضافة لسرعة البديهة والقدرة على الرد على المنافسين. في جو حماسي وحفلات بيحضرها عدد كبير من الشباب.

على الرغم من قوة القصة لكن إخراج “إد لي لي” للفيلم خلاه شبه أفلام تانية كتيرة عن الراب. وماقدرش بطل الفيلم “كونور سويندلز” يقدم تناول مختلف، أو يلعب على وتيرة جديدة، تجذب المشاهدين.

المميز في الفيلم هو أغاني الراب اللي قدمها، ومشاهد الحفلات اللي بتنسجم فيها الموسيقى مع الكلمات الحماسية. لكن للأسف أغاني الراب لوحدها ماتقدرش تصنع فيلم ناجح، لو غابت الدراما عن المعادلة. وده اللي شوفناه في فيلمنا.

لو بتحب الأفلام اللي بتدور عن الراب والأغاني بشكل عام، هيعجبك الفيلم.