The Definitive Guide to Living in the Capital , Cairo , Egypt

هوليوود مؤخرًا بقت تعيد تقديم أفلام قديمة ببطولة نسائية. نذكر منها في 2018 فيلم Ocean’s Eight. ودلوقتي بنشوف عمل جديد بعنوان What Men Want.

ألي ديفيز “تراجي بي. هينسون” مش بتعرف تحقق طموحها في الشغل، بسبب سيطرة الجانب الذكوري عليه. لكن كل الأمور بتتغير لما بتتعرض لحادثة، بتخليها قادرة على قراءة أفكار الرجال. وهنا بتبدأ تستغل قدرتها لتحقيق مصالحها الشخصية.

القصة مقتبسة من فيلم What Women Want، فده خلانا عارفين 90% من الأحداث قبل ما نشوفها. ده غير إن المقارنة بين أداء “تراجي” وأداء “ميل جيبسون” هتكون في صالح الأخير طبعًا. وفي المجمل ده مش عنصر إيجابي للفيلم. لكن يُحسب له إنه كان مليان مواقف كوميدية كتيرة، كلها بتسلم بعضها. فكان فيه شوية ضحك حلوين.

ماينفعش ننسى مجهود المخرج “آدم شانكمان”، في تصميم كادرات مميزة وجذابة. قدرت تخطف عينينا وإحنا بنتفرج. وخلقت نوع من الراحة للعين في بعض المشاهد.

فيلم What Men Want هو تقليد أقل جودة لفيلم What Women Want فقط لا غير.