-
جينا رودريجيزفيولا دايفيس...
-
حركة ومغامرات
-
ستيف ماكوين
-
في15سينما
Mohamed Hamdy
تفتكروا إيه اللي ممكن يسيبه زوج لزوجته بعد وفاته؟ فلوس؟ أملاك؟ وصية علشان تعيش حياتها بشكل أفضل؟ الحقيقة إن “ليام نيسون” ترك لزوجته “فيولا دافيس”، خطة إجرامية علشان تنفذها بنفسها. وهو ده المحور الرئيسي اللي بيدور عليه فيلم Widows، واحد من أفضل الأفلام في 2018.
المميز في الفيلم مش القصة بس، لكن كمان فريق العمل. يكفي نقول إن الفيلم هو أول عمل للمخرج “ستيف ماكوين” بعد فيلمه “12 Years a Slave”. اللي حصل على ثلاث جوائز أوسكار عام 2014.
الفيلم من بطولة كولين فاريل، دانييل كالويا، ميشيل رودريجز، جون بيرنثال، روبرت دوفال، إليزابث ديبيكي، وسينثيا إريفو.
فيولا ديفيس في الفيلم ده بتأكد على تفردها، كواحدة من أهم فنانات جيلها سينمائيًا. وده مش غريب على ممثلة قدمت لنا قبل كده دور مميز في فيلم “Fences”. ودور عمرها في فيلم “The Hell”، اللي بيعتبر من أعذب الأفلام اللي قدمتها هوليوود في تاريخها.
أما “ليام نيسون” فأبدع في تقديم المشهد الإفتتاحي للفيلم. وهو واحد من المتخصصين في أفلام الأكشن والمغامرة. وحفر إسمه بحروف من دهب في مجموعة من أفضل أفلام هوليوود زي Schindler’s List وTaken وغيرهم.
أسلوب التصوير واختيار الكادرات في الفيلم كان مميز، وده ساعد الممثلين علشان يقدموا أفضل ما عندهم بسهولة. وبطريقة توصل للجمهور على طول. ولا يمكن ننسى الموسيقى التصويرية، اللي ساعدت على إخراج مشاهد كاملة بشكل مبهر لينا كمشاهدين.
خلاصة الكلام.. Widows فيلم مميز، وبنعتبره مفاجأة جميلة في ختام 2018 السينمائية.