The Definitive Guide to Living in the Capital , Cairo , Egypt

مجموعة في رحلة بـ تموت من
مهاجمة القروش، إيه الجديد بقى؟

“سارة”
و”نيك”
و”دنيس”
و”ماليك” و”مايا” و”بليك” و”بيث” و”جوردون”
طلبة جامعة، رايحين لبيت “سارة” الصيفي علشان يقضوا أجازة ممتعة، لكن الرحلة تقلب لشيء ثاني خالص لما
يكتشفوا أن البحيرة المالحة
محاطة
بأسماك قرش من أنواع مختلفة، ويكون “ماليك” أول ضحية، القرش يأكل ذراعه،
لما يحاول
أصحابه يسعفوه تموت “مايا” -حبيبة “ماليك”- ويبدأ هنا
الصراع بينهم وبين أسماك
القرش
في محاولة إنقاذ أنفسهم، تجيء لهم النجدة عن طريق “دنيس” -حبيب “سارة”
السابق- ويوعدهم أنه ينقذهم بـ مساعدة “ريد” والمأمور “ستيفن”،
لكن يكتشفوا أن
“دنيس” و”ريد”
والمأمور “ستيفن” هما اللي جابوا القروش المنطقة، كمان ركبوا
كاميرات علشان
يصوروا
الضحايا وهي بـ تتاكل ويبيعوا الفيديوهات للقنوات التليفزيونية ولبرامج عن ضحايا القروش!، هنا
يبدأ الصراع مش بس بين أبطالنا والقروش، لكن بينهم وبين كمان أصحاب القروش، فيا ترى هـ يعملوا إيه؟

طبعًا
بناء العلاقات
هنا زي علاقة “ماليك” بـ “مايا” أو علاقة “دنيس” بـ
“سارة” وغيرها هي علاقات مبنية فقط علشان نتابع الفيلم، الحقيقة أن الفيلم نقدر نعتبره مقبول،
لكنه ما قدمش
الإثارة
والتشويق الموجود في النوع ده من الأفلام، فكل شئ الواحد متوقعه، لدرجة الواحد متوقع مين هـ
يموت قبل مين؟، كمان مين اللي ممكن يفضل في النهاية؟

بالنسبة
للأداء التمثيلي
للأسف باهت جدًا لكل الممثلين، يمكن ميزة الفيلم ده -لو اعتبرناها ميزة- هو عنصر
التصوير، خاصة في تتابعات النهاية في التصوير الليلي في محاولات الأبطال إنقاذ
أنفسهم من أنياب أسماك القرش، أما بالنسبة لعنصر الموسيقى فهو مش واضح خالص، مع أننا لو نفتكر
الموسيقى التصويرية في النوع ده من الأفلام أشهرها سلسلة الأفلام  Jaws
اللي كانت إحدى علامات الموسيقى التصويرية في الأفلام.