The Definitive Guide to Living in the Capital , Cairo , Egypt

أفلام
مستر أند مسز عويس

مستر أند مسز عويس: إذا لم تستح.. فاصنع فيلمًا

  • إدواردإدوارد...
  • كوميدي
  • أكرم فريدأكرم فريد...
  • في1 Cinema
تم التقييم بواسطة
Mohamed Hamdy
قيم
قيم الآن
مستر أند مسز عويس: إذا لم تستح.. فاصنع فيلمًا

الحظ
السىء –سواء حظنا أو حظ صناع الفيلم– شاء أننا
نشوف الفيلم ده فى فترة قريبة جدًا لمشاهدتنا فيلم “صحوة
فارس الظلام” للمخرج العبقرى كريس نولان.. طبعًا المقارنة بين العملين شبه المقارنة بين
لاعبى منتخب البرازيل ولاعبى نادى أسمنت أسيوط. وبصراحة مش عارفين لحد إمتى هـ نفضل
نتفرج على الأفلام الأجنبية
ونتحسر على حالنا ونقول إمتى نشوف
فيلم عربى بربع الميزانية أو بنصف
الاهتمام والرعاية؟

حمادة
هلال شاب مستهتر بـ يضيع فلوس والده
كلها، بالتالى بـ تلجأ والدته للحل
السحرى –فى كل الأفلام العربية– وهو
تزويجه من فتاة ريفية بسيطة (بشرى) اللى بـ يقع فى غرامها رغم محاولته رفض كل البنات اللى
والدته بـ ترشحهم له.

زى
ما أنتوا شايفين
القصة اتهرست فى ألف فيلم قبل كده من
أيام ما كان التليفزيون أبيض وأسود، لكن لزوم عمل
فيلم خفيف لكل أفراد الأسرة
ممكن نضحى بالأم والجنين والدكتور شخصيًا.. لكن السىء فعلاً
كان الأداء التمثيلى الباهت لحمادة هلال اللى خلانا
نكره نفسنا ونحس أننا ضيعنا وقتنا فى
مشاهدة الفيلم.

بالنسبة
لبشرى.. إحنا متضايقين لها أكثر ما متضايقين من أداء
حمادة هلال. على الأقل حمادة مطرب فى الأساس وما ينفعش
نحاسبه على أداؤه التمثيلى إلا
بحدود معينة، أما بشرى –رغم أنها
مطربة بالأساس–
إلا أنها اتجهت
مؤخرًا بشكل قوى للتمثيل ومن ثم للإنتاج السينمائى، بالتالى لازم معدل محاسبتنا
على ضعف أداءها التمثيلى تكون أعلى..
وفعلاً بشرى أدائها
جاء أقل من
المتوسط، رغم أن موهبتها جميلة
جدًا وقوية، إلا
أنها مصرة تضيعها فى أعمال
مش هـ تضيف لها بالعكس هـ تسحب
من رصيدها عند الناس.

الطفلة
جنا.. الطفلة المعجزة اللى قدمها لنا التليفزيون المصرى كبديل للطفلة فيروز.. بصراحة جنا مش عبقرية ولا معجزة، بالعكس
هى وجه بـ يتم حرقه فى كل الأفلام
والبرامج اللى بـ يتم إنتاجها فى المرحلة الأخيرة..
ولو القائمين على تشغيلها ما أخذوش بالهم منها هـ نشهد
تحطم موهبة جميلة زى منة عرفة اللى تم حرقها فى العديد من الأفلام قد يكون من أجل
المقابل المادى أو الانتشار على حساب المضمون.

المخرج
أكرم فريد.. صانع الفيلم الجميل عائلة ميكى.. مش عارفين ليه مُصر يقدم لنا أفلام بالمستوى ده رغم
قدرتك على تقديم أفلام جميلة.. وأقوى..
هل برضه العوامل المادية وموسم العيد المغرى؟ نتمنى يعيد حساباته
من جديد.

باختصار:
مستر أند مسز عويس فيلم هـ يعجبك
لو عاوز فيلم خفيف تضحك أمامه وما تكونش
ضغطك من النوع سريع الارتفاع.. أما لو كنت من
مرضى الضغط زينا يبقى لازم تستنى فيلم ثانى.

عجبك ؟ جرب

فيلم "تيتة رهيبة".

نصيحة 360

بشرى وحمادة هلال وإدوارد أبطال الفيلم كلهم مطربين وكلهم اتجهوا للتمثيل وحققوا نجاحات بنسب مختلفة فى المجال ده. كمان بشرى بطلة الفيلم بـ تشتغل فى مجال الإنتاج السينمائى .

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح