The Definitive Guide to Living in the Capital , Cairo , Egypt

أفلام
مش رايحين في داهية

مش رايحين في داهية: لعبة القط والفأر بين الرجل والمرأة

  • بشرىريم مصطفى...
  • كوميدي
  • أحمد صالح
  • في1 Cinema
تم التقييم بواسطة
Mohamed Hamdy
قيم
قيم الآن
مش رايحين في داهية: لعبة القط والفأر بين الرجل والمرأة

الصراع بين الرجل والمرأة هيفضل وهيستمر طالما استمرت الحياة على الكوكب. وأعمال أدبية وفنية كتيره ناقشت الموضوع ده، وخاصة الأعمال الكوميدية اللي بتعتمد على التهويل والتكبير علشان تحقق حالة من الكوميديا المطلوبة.

الكويس في فيلم (مش رايحين في داهية) هو أن فريق العمل نفسه عارف إنه بيقدم فيلم كوميدي خفيف، وإن مش مطلوب منهم أكتر من إضحاك الجمهور في إطار من الخفة والبساطة على مدار أحداث الفيلم. لكن هل نجح الفيلم في تحقيق معادلته؟ ده اللي هنعرفه من خلال مقالنا النقدي عن الفيلم.

قصة الفيلم

“مش رايحين في داهية” بيناقش الصراع الأزلي بين الراجل والست في إطار كوميدي، من خلال مجموعة من الشباب بيفتحوا قناة على يوتيوب، علشان يهاجموا فيها البنات والستات. لكن مجموعة من البنات بتقرر تتصدى لهم، الأمر اللي بيفتح عدد لا ينتهي من المواقف الكوميدية واللي بتستمر على مدار أحداث الفيلم.

فريق العمل

الفيلم من بطولة بشرى وريم مصطفى ومي سليم ونبيل عيسى وعمر السعيد وسليمان عيد، والإخراج لأحمد صالح، والتأليف لعمرو بدر وندى أكرم.

 

السيناريو والحوار والإخراج

سيناريو الفيلم كان بسيط ومتوقع، وبنعتبر ده شيء جيد. لأننا بنحب الأفلام اللي عارفة المنطقة اللي بتلعب فيها ومش بتخرج عنها. لكن الإخراج في رأينا فشل في توظيف كل ممثل في الدور المناسب له. وفى رأينا الفيلم يعتبر إهدار لموهبة نبيل عيسى، الفنان المتميز اللي متابعينه بقوة من فترة طويلة. أما مي سليم – اللي أصبحنا بنشوفها في كل الأعمال مؤخرًا، لدرجة إننا ممكن نشبهها بالنسخة النسائية من الفنان بيومي فؤاد – هي وبشرى قدموا أداء تقليدي. وبشكل عام الأداء التمثيلي في الفيلم كله كان أقل من توقعاتنا.

الموسيقى والديكور

الموسيقى التصويرية في الفيلم كانت ضعيفة. على الرغم من قوة الديكورات اللي عبرت عن عالم الشباب وحياتهم اليومية. وخاصة ديكورات المشاهد الداخلية، اللي حسينا إنها متماشية مع روح العصر.

الخلاصة

مش رايحين في داهية فيلم شبابي ظريف وخفيف، لا تتوقعوا منه أكثر من اللي بيوحي به تريلر الفيلم.

علشان تبقى عارف: اعتذر الفنان سمير غانم عن المشاركة بالفيلم بسبب ظروفه الصحية التي أجبرته على الراحة في المنزل، وتم اختيار الفنان حسن حسني ليحل محله في الفيلم.

عجبك شوف: شباب على الهوا

نصيحة 360

نصيحة كايرو360: الفيلم يعتبر أول تجربة سينمائية للفنانة ريم مصطفى.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح