The Definitive Guide to Living in the Capital , Cairo , Egypt

لو في العيد ماعندكش أي خطط للخروج. دي ترشيحات لأفلام ممكن تتفرج عليها في البيت:

Whiplash

هتعيش في أجواء موسيقية مشوقة مع فيلم “Whiplash”. اللي بيدور عن درامر في معهد للموسيقى، بيسعى لتحقيق حلمه بأي ثمن. وده تحت إرشاد معلم صعب وقاسي جدًا في المعاملة. الفيلم فاز بـ 3 جوائز أوسكار. وتقييمه 8.5 على IMDb.

 

Collateral

توم كروز كالعادة بيبدع في الأكشن، بس المرة دي هو الشرير. لما بيلعب دور قاتل مأجور بيوصل لمدينة لوس انجيليس، علشان ينفذ 5 عمليات قتل في ليلة واحدة. وبيتورط معاه سائق التاكسي اللي بيلعب دوره “جيمي فوكس”. تقييم الفيلم 7.6.

 

Rust and Bone

نروح شوية للسينما الفرنسية، وفيلم درامي بتلعب بطولته الجميلة “ماريون كوتيار”. في دور مدربة حيتان بتتعرض لحادثة، بتفقد بسببها رجليها الاتنين. بتقع في حب واحد مصارع في نوادي القتال. دراما من نوع مختلف هتعيشك في أجواء فريدة من نوعها. تقييم الفيلم 7.5.

 

Alien: Covenant

المخرج العظيم “رديلي سكوت” رجع السنة دي بجزء جديد من سلسلة أفلام الكائنات الفضائية (Alien: Covenant). الفيلم بيدور عن طاقم سفينة الفضاء “Covenant”، اللي بيلاقوا إشارة للحياة على أحد الكواكب. ولما بينزلوا عليه بيكتشفوا وجود الكائنات الفضائية القاتلة. تقييم الفيلم 6.6.

 

Before Sun Trilogy

مفيش حد سواء بيحب الأفلام الرومانسية أو لأ، مش بيحب الثلاثية الرومانسية: Before Sunrise – Before Sunset – Before Midnight. الـ 3 أجزاء بيدوروا عن شاب أمريكي بيقابل بنت فرنسية في القطار. وبتتطور العلاقة لحد ما يتجوزوا ويخلفوا. الأفلام جميلة جدًا وأحداثها تشدك. وكل ما تخلص جزء هاتبقى عايز تشوف اللي بعده. وتقييم الأفلام: الأول 8.1 – الثاني 8 – الثالث 7.9.

 

Gifted

الفيلم بيدور عن بنت صغيرة عندها قدرات عقلية عالية، وعايشة مع خالها “فرانك” في مكان فقير. “فرانك” بيضطر يدخل في صراع على حضانة الطفلة مع جدتها (أمه). اللي عايزة تخليها عايشة حياة مختلفة بسبب قدراتها المميزة. الفيلم مشوق جدًا وهيشدك من أول مشهد. تقييم الفيلم 7.7.

عيد سعيد.