The Definitive Guide to Living in the Capital , Cairo , Egypt

أفلام
مولانا

مولانا: ابراهيم عيسى هو بطل الفيلم الحقيقي!

  • بيومي فؤاددرة...
  • دراما
  • مجدي أحمد علي
  • في1 Cinema
تم التقييم بواسطة
Mohamed Hamdy
قيم
قيم الآن
مولانا: ابراهيم عيسى هو بطل الفيلم الحقيقي!

من المعروف إن الفضل الأساسي في نجاح أي فيلم بيعود في المقام الأول والأخير للمخرج، وأحيانا بينسب النجاح للبطل الرئيسي للفيلم، لكن في حالة فيلم مولانا نقدر نقول بدون شك أن نجاح الفيلم ينسب لمؤلفه وكاتب الحوار له، الصحفي المعروف والكاتب ابراهيم عيسى.

 

فيلم مولانا من تأليف وحوار ابراهيم عيسى وبطولة عمرو سعد، دره، وريهام حجاج، بيومي فؤاد، بمشاركة الفنان الكبير الراحل أحمد راتب، والفيلم زي ما قولنا من إخراج مجدي أحمد علي.

الفيلم بيتتبع قصة الشيخ حاتم الشناوي، واللي خطب الجمعة في أحد المساجد اللى بيحضرها عدد كبير من المسئولين في الدولة على سبيل الصدفة، ثم بياخدنا الفيلم بعد المشهد الإفتتاحي المتميز لاستعراض رحلة الصعود السريع للشيخ ده من مجرد شيخ معين من الأوقاف لواحد من أشهر وأهم الدعاة في مصر.

الفيلم بيستعرض أيضًا الحياة الشخصية للشيخ وعلاقته بزوجته (دره) وعلاقته بابنه اللي بيتعرض لحادث بشع في الدقائق الأولى من الفيلم.

سيناريو الفيلم كان بيجري طوال الوقت علشان يقدم لنا مشاكل بيقع فيها الشيخ حاتم وطريقته للخروج منها، وفي سبيل استعراض المشاكل دي للأسف لم يهتم الفيلم باستعراض حياة حاتم الشخصية كما ينبغي، علشان كده بنشوف التطور في منطقة حياة حاتم الشخصية بيحدث بشكل بطيء جدًا على العكس تمامًا من التسارع في سيناريو باقي الأحداث.

أيضا سقط سهوًا من السيناريو التركيز على حادثة ابن الشيخ واستغلالها إنسانيًا في الفيلم، إلا في بعض المواقف الضعيفة وغير المؤثرة، وحسينا أن الحادثة بأكملها كانت مقحمة على السياق الدرامي للفيلم ولم يتم استغلالها.

حوار ابراهيم عيسي كان أكثر من رائع، وقدر يقدم رأيه في كل ما يحدث على الساحة في شكل جمل حوارية ذكية وقصيرة وبتوصل لهدفها، وقدر يبتعد عن فكرة الخطابة والجمل الرنانة والكلام اللي مش بنستعمله في حياتنا اليومية، وفي نفس الوقت قدر في المشهد الختامي إنه يقدم تحليل وتشريح متميز لمجتمعنا، وكأنه بيكتب مقالة نارية من مقالاته اللي اتربينا عليها.

%d9%85%d9%88%d9%84%d8%a7%d9%86%d8%a71

الأداء التمثيلي لعمرو سعد كان ضعيف، وكان بيعطينا الإحساس طوال الوقت إنه (بيمثل) ومافيش أخطر على الممثل من إنه يعكس لمشاهديه إحساس طوال الوقت إن اللى بيشوفوه مش حقيقي.. أما دره فكانت مساحة دورها الصغير بتحصرها في منطقة أداء واحدة غير متجدد، ولعل دور ريهام حجاج كان أقوى منها على الرغم من قلة عدد مشاهدها، لكن التغير في شخصيتها المكتوبة على الورق أعطاها مساحة أكبر للأداء.

بيومي فؤاد في واحد من أدواره الجادة والمحترمة، واللي بيأكد من خلاله على فكرة أن ظهوره المتكرر في كل الأفلام تقريبًا لا يعني إطلاقًا إنه بيكرر نفسه أو بيعيد تقديم الشخصية أكتر من مرة.

مولانا مش أفضل فيلم عربي شوفناه مؤخرًا، ولو كانت كل عناصر الفيلم بقوة (الورق) اللي قدمه ابراهيم عيسي، أكيد كنا هنشوف قطعة فنية أكثر تميزًا وتألقًا.. وللأسف مضطرين نقول أن الفيلم ظُلم بفريق عمله، بقدر ما أنصف بتوقيت عرضه اللي تزامن مع إلغاء برنامج ابراهيم عيسى وتسليط الضوء عليه.

%d9%85%d9%88%d9%84%d8%a7%d9%86%d8%a72

علشان تبقى عارف:

يوم العرض الخاص للفيلم قام الكاتب إبراهيم عيسي بقطع تذاكر السينما بنفسه لرواد السينما كخطوة تشجيعية للناس لدخول الفيلم.

 

مشكلة قانونية قامت بين السيناريست محمد صلاح راجح وبين صناع الفيلم بعد خلاف على ملكية السيناريو، المشكلة دارت عبر صفحات مواقع التواصل الإجتماعي بخصوص سيناريو الفيلم.

عجبك ؟ جرب

هيبتا – الفيل الأزرق

نصيحة 360

الفيلم يعتبر أول فيلم طويل للمخرج مجدي أحمد علي منذ عام 2010 الذي شهد عرض فيلمه (عصافير النيل).

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح