The Definitive Guide to Living in the Capital , Cairo , Egypt

أفلام
يا تهدي يا تعدي

ياتهدي ياتعدي: عن بنات مصر الجدعة

  • أيتن عامرإدوارد...
  • كوميدي
  • خالد الحلفاوي
  • في1 Cinema
تم التقييم بواسطة
Mohamed Hamdy
قيم
قيم الآن
ياتهدي ياتعدي: عن بنات مصر الجدعة

رغم أننا في مش في موسم أجازات أو أعياد لكن الفترة دي فيه أفلام عربية كتيرة، منها بشتري راجل ويوم من الأيام وطبعًا ياتهدي ياتعدي.. ومن الواضح أن الأفلام المصرية بتحاول تجد لنفسها منطقة نفوذ جديدة بعيدًا عن موسم الأعياد وأجازه نصف السنة.. وواضح أن هناك أقبال كبير على مشاهدة الأفلام دي على الرغم من عدم طرحها في المواسم المحفوظة للأفلام العربية.

فيلم ياتهدي ياتعدي من إخراج خالد الحلفاوي وبطولة أيتن عامر ومحمد شاهين وسلوي خطاب وإدوارد، ومن تأليف أحمد عزت.

 

الفيلم بيحكي عن محمد شاهين.. الشاب اللي بيدور عن شخص شاطر يدرب والدته على قيادة السيارات، لكن الحظ بيوقعه في هند اللي بتقوم بدورها أيتن عامر، واللي بتقدم دور بنت بتدرب الناس على قيادة السيارات، وبيحصل بينها وبين محمد شاهين مواقف كتير كوميدية بعد مابيقع شاهين في حبها على الفور.

فكرة الفيلم مش جديدة ويمكن تصورها من اللحظة الأولي، ومافيهاش حاجات كتير بتخرج بره قدرتنا على الاستنتاج حتي مع وضع خيط من الأكشن والغموض في الفيلم، لكن بتظل المنطقة الكوميدية في الأحداث هي المسيطرة والأساسية، ورغم قدرتنا على توقع الأحداث لكن مستوى الكوميديا في الفيلم كان جيد ومؤثر.

عجبنا جدًا التوافق والكيمياء بين أيتن عامر ومحمد شاهين، والحقيقة أن الكيمياء والترابط من الحاجات اللي لازم تكون موجودة بين أي اثنين فنانين بيعملوا (دويتو) سينمائي.. وشوفنا فيلم تاني زي القرد بيتكلم على سبيل المثال، كانت الكيمياء معدومة فيها بين أبطاله عمرو واكد وأحمد الفيشاوي. لكن في حالة ياتهدي ياتعدي الكيمياء والتوافق كانوا عاليين بين أبطاله، وده شيء يحسب للقائمين على الكاستينج في الفيلم.

على الرغم من قيامها بأدوار كتيرة في الفترة الأخيرة، لكن الفنانة سلوى خطاب قادرة على تجسيد أي شخصية تكون مطلوبة منها، وتقدر تتشكل في أي مستوى اجتماعي ومادي يطلبه منها الدور.. سلوى خطاب موهبة متفجرة محتاجة أكتر بكتير من دور صغير في فيلم كوميدي علشان تتفجر وتورينا أداء تمثيلي أقوي وأفضل.

مستوى الموسيقى التصويرية في الفيلم كانت متوسطة تميل للضعف، لكن الديكورات كانت رائعة وكانت بتعبر بقوة عن المستوى الاجتماعي والمادي لكل بطل من أبطال الفيلم، لكن بشكل عام الديكورات والموسيقى التصويرية مش بيتم التركيز عليها بشدة في نوعية الأفلام الكوميدية الـ (لايت) اللي بنتكلم عنها.

%d9%8a%d8%a7-%d8%aa%d9%87%d8%af%d9%8a1

ياتهدي ياتعدي مش أفضل فيلم كوميدي شوفناه مؤخرًا، لكنه فيلم خفيف وظريف على قلب المشاهد، وتقدروا تقضوا أمامه حوالي ساعتين من المواقف الكوميدية بدون تعقيد أو فلسفة بلا طائل.

علشان تبقي عارف: الفيلم يعتبر التعاون الثاني بين المخرج خالد الحلفاوي والنجمة آيتن عامر بعد فيلم (زنقة ستات).

 

عجبك ؟ جرب

زنقة ستات

نصيحة 360

الفيلم يعتبر البطولة المطلقة الأولى لأيتن عامر.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح