The Definitive Guide to Living in the Capital , Cairo , Egypt

هوليوود بتبهرنا كل سنة بمجموعة أفلام قوية ومثيرة. وفي أفلام بيكون لها أجزاء تانية بنستناها من السنة للسنة. 2017 بدأت بقوة مع أفلام زي: Split و Logan و Kong وغيرهم. بس الحماس ما انتهاش، ولسه مكمل مع مجموعة أفلام هتتعرض على مدار السنة. تعالو نشوف أهم 10 أفلام منهم:

Guardians of the Galaxy Vol. 2

الفريق اللي بيحمي المجرة بيتجمع من جديد، وبيكمل مغامراته المثيرة. وفي الجزء ده بيكتشفوا والد “بيتر كويل” لأول مرة.

Pirates of the Caribbean: Dead Men Tell No Tales

كابتن “سالازار” وفريقه من البحارة الأشباح، جايين علشان يقضوا على كل القراصنة. وخصوصًا كابتن “جاك سبارو”.

Wonder Woman

الأميرة “ديانا” بعد ما تكتشف إن عندها قوى خارقة، بتستخدمها علشان تقضي على الحرب اللي بتهدد العالم.

The Mummy

المرة دي توم كروز هو اللي بيواجه لعنة الفراعنة، لما مومياء مصرية بترجع للحياة بعد آلاف السنين. وبتنشر الرعب والخوف في كل مكان.

Spider-Man: Homecoming

“توم هولاند” جذب الانتباه بشكل كبير لما قدم شخصية سبايدر مان، في فيلم Captain America: Civil War. المرة دي هنشوف البطل وهو بيحاول يعيش حياته بشكل طبيعي، بجانب دوره البطولي كسبايدر مان. وطبعًا كل ده تحت رعاية Iron-Man توني ستارك.

War for the Planet of the Apes

بعد ما القرود بيتعرضوا لخساير كبيرة جدًا في الحرب مع البشر. “سيزر” بيستعد بكل قوته علشان ينتقم لأبناء جنسه.

Dunkirk

أول فيلم عن الحرب للمخرج “كريستوفر نولان”. وبيدور عن حصار الجيش الألماني لتحالف جنود من بلجيكا وبريطانيا وفرنسا وكندا، خلال الحرب العالمية الثانية. وإزاي بيتم إخلائهم. يا ترى هيترشح به لأوسكار أحسن إخراج؟ هنشوف.

Atomic Blonde

تشارليز ثيرون هتطلع الوحش اللي جواها، في دور عميلة في الاستخبارات البريطانية، بتروح برلين علشان تحقق في موت عميل تاني. الفيلم من إخراج “ديفيد ليتش”، اللي شارك في إخراج John Wick. وهو كمان اللي هيخرج الجزء الثاني من Deadpool.

Thor: Ragnarok

 

علشان ينقذ سكان أزجارد من دمار “هيلا. “ثور” لازم يواجه “هالك” في صراع خطير. ينتهي بفوز واحد منهم.

Justice League

“بروس واين” هيوحد مجموعة من الأبطال الخارقين، علشان يواجهوا خطر كبير بيهدد الأرض.

يلا استعدوا لإشهار إفلاسكم.. لأن دي مجرد عينة من أفلام 2017 ولازم تتفرج عليهم في السينما!