The Definitive Guide to Living in the Capital , Cairo , Egypt

أفلام
2Guns

2 Guns: هكذا يكون الأكشن!

  • دينزل واشنطنمارك والبرج
  • إثارةحركة ومغامرات...
  • بالتاسار كورماكوربالتاسار كورماكور
  • في1 Cinema
تم التقييم بواسطة
Mohamed Hamdy
قيم
قيم الآن
2 Guns: هكذا يكون الأكشن!

على الرغم من زحمة أفلام العيد اللى فات أخذت فى وشها بعض الأفلام زى Gravity اللى يعتبر واحد من أحسن الأفلام اللى نزلت مؤخرًا، إلا أن Guns 2 لا يزال بـ يحقق نسب مشاهدة جيدة تناسبًا مع الوقت اللى نزل فيه، وشوفنا عدد من المشاهدين بـ يسألوا عن الفيلم بالاسم، وطبعًا فرحنا للإقبال على فيلم محترم على الرغم من كمية الأفلام الهابطة اللى نزلت فى العيد مؤخرًا.

الفيلم من بطولة العبقرى دينزل واشنطن والمجتهد مارك والبيرج، الأول اعتلى سلم النجومية من زمان والثانى فى طريقه لنفس المكانة قريبًا، بالتالى الفيلم كان مباراة متميزة فى التمثيل بين الاثنين، والمخرج بالتسر كورماكور قدر يعمل دويتو فنى متميز فى فيلم بـ يحكى عن ضابط مخابرات بحرية وضابط فى مكافحة المخدرات بـ يسعوا للإيقاع بشبكة مخدرات ضخمة من خلال سرقة بنك بدون ما كل واحد يعرف أنه بـ يشتغل فى النهاية مع عميل للحكومة.

الجميل فى الفيلم أنه بـ يأخذنا من نقطة للثانية والانتقال بين المشاهد تم بعفوية وسهولة جميلة جدًا، لكن حسينا فى الربع الأخير من الفيلم أن الأحداث كانت Over شوية وغير منطقية ، وحسينا عند لحظة معينة أن الولايات المتحدة بكامل أجهزتها توحدت ضد البطلين غير القابلين للخدش لأن المخرج عاوز كده، وده كان من نقاط ضعف الفيلم.

الموسيقى التصويرية والديكور لعبوا دور مهم فى الفيلم، وممكن نقول أن الموسيقى دورها كان أهم إلى حد ما من الديكور رغم أهمية الاثنين فى العمل السينمائى.

لو بـ تقبلوا نصيحتنا، نرشح لكم 2 Guns للمشاهدة بدلاً من أى فيلم من أفلام العيد العربي… على الأقل هـ تشوفوا فيلم أكشن محترم ومسلى وممتع.

عجبك ؟ جرب

Fast & Furious.

نصيحة 360

دينزل واشنطن بطل الفيلم من مواليد 1954 وقام ببطولة كثير من الأفلام المتميزة لعل آخرها كان Flight اللى حاز على إعجاب النقاد والمشاهدين على حد سواء.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح