The Definitive Guide to Living in the Capital , Cairo , Egypt

من أجمل
الأفلام اللي ممكن تشوفها في حياتك بـ يتكلم عن البيئة وطرق المحافظة عليها.

“تيد”
الشاب اللطيف بـ يعيش في مدينة “ثيندفيل” واللي بـ يتحكم فيها
“أوهايرا” اللي حول كل شيء في المدينة –حتى الأشجار– إلى أنها تكون من
البلاستيك، ونظيفة، وصحية، وآمنة لدرجة وصل أنه يبيع الهواء في زجاجات زي ما بـ
نقول!

“تيد”
بسبب حبه لـ “أودري” غامر بكل شيء علشان يخرج من المدينة والسبب لأن
“أودري” نفسها تشوف أي شجرة حقيقية ولو لمرة واحدة، تعرف الجدة
“نورما” “تيد” على الطريقة اللي يجيب بها الشجرة، وده من خلال
خروجه من المدينة وأنه يروح لشخص عجوز اسمه “الأونسر” وهو الوحيد اللي
عارف إزاي يجيب لـ “أودري” شجرة حقيقية، ويتعرف “تيد” على
“الأونسر” اللي يبدأ يحكي له مغامراته وهو شاب مع الأشجار، وعلاقته  بـ “لوركس” حارس الغابة، واللي بـ
يتكلم باسم الأشجار، في الوقت اللي يحاول فيه “أوهايرا” منع “تيد”
من الحصول على شجرة بأي ثمن لأن ده بـ يهدد مصالحه.

قصة
مشوقة جدًا مع أننا بـ نتكلم هنا عن الطبيعة والأشجار وكل الكلام عن البيئة، واللي
ممكن بـ يؤدي إلى الشعور بالملل المعتاد، لكن في الفيلم ده هـ يرجع اهتمامك ثاني
بالطبيعة، والأهم أنه رسالة موجهة في الأساس للأطفال لكيفية الحفاظ على البيئة.

يعيب
السرد شوية أنه بـ ينتقل بنا لفترات طويلة للماضي –من خلال حكايات العجوز
“الأونسر” مع الكائن “لوركس”– غير أن ممكن الأغاني كثيرة
شوية، بـ تحاول تؤكد معنى هو في الأصل تم فهمه من خلال تتابعات القصة، لكن مش ممكن
ننكر أنها كمان ممتعة.

غير أن
الـ Animation اللي في الفيلم مميز
جدًا، وده بسبب فريق التحريك الكبير والمسئول عن كل شيء ولو بسيط لكن بـ يمنح متعة
كمان تميز في أداء أصوات شخصيات الفيلم، مع استخدام شخصيات مميزة وبسيطة زي شخصيات
السمكات الثلاثة الذهبية.