The Definitive Guide to Living in the Capital , Cairo , Egypt

أفلام
Earth to Echo

Earth to Echo: تقليد ضعيف لفيلم E.T

  • أستروتيو هالم...
  • خيال علمي
  • ديف جرينديف جرين
  • في1 Cinema
تم التقييم بواسطة
Mohamed Hamdy
قيم
قيم الآن
Earth to Echo: تقليد ضعيف لفيلم E.T

مش عيب أن صناع فيلم Earth to Echo يحطوا أمامهم رائعة ستيفن سبيلبرج ET ويعوزوا يعملوا فيلم شبهه، لكن العيب أنهم يتناسوا روعة النسخة الأصلية ويقدموا لنا فيلم مهلهل يكتفى بالنقل لا التجويد، ودى كانت مشكلتنا الأساسية والوحيدة مع الفيلم.

من إخراج دايف جرين وبطولة تيو هالم وريس هارتريج وإيلا واستلدت بـ نشوف فيلم خيال علمي عن مجموعة من الأطفال بـ يوصل لهم عدد من الرسائل المشفرة، واللى بـ تستمر بعدها الأحداث علشان يلاقوا نفسهم أمام كائن فضائى مجهول بـ يحتاج مساعدتهم، الأمر اللى بـ يولد عدد كبير من المغامرات، حاول صناع الفيلم يخلوها مبهرة، لكن السياق الدرامي واستنتاجنا لكل الأحداث على مدار الفيلم جعل مهمتهم مستحيلة تقريبًا!

بـ نشوف أحداث الفيلم من خلال الكاميرا الخاصة بأحد المراهقين أبطال الفيلم، الأمر اللى خلانا نتفرج على صورة مهزوزة بشدة معظم الوقت، إحنا عارفين كويس أسلوب إخراج الأفلام اللى من النوعية دى، وعارفين أن موضوع اهتزاز الكاميرا بـ يكون أساسى علشان يعرفنا طوال الوقت أن التصوير مش محترف وعلشان نعيش أكثر داخل جو الفيلم، لكن فعلاً الاهتزازات فى التصوير عرقلت علينا استمتاعنا، وحسستنا أن موضة الأفلام اللى بـ نشوفها من خلال عدسة أحد أبطالها ممكن تتحول للعنة تقتل استمتاعنا بالأحداث والتصوير.

على الرغم من كون الفيلم بـ يتكلم عن كائن فضائى، إلا أن ظهوره على الشاشة كان لوقت قصير نسبيًا ومش متناسب أبدًا مع الأحداث، صحيح الجرافيك كان متميز ومتطور لكن أسلوب التصوير “فصلنا” عن أى أمور إيجابية فى الأحداث.

الموسيقى التصويرية كانت متميزة على الرغم من قلتها، لكن جودتها عوضتنا عن باقى نقاط الضعف فى الأحداث، وحسينا أنها كان ممكن تكون أفضل لو كان الفيلم موجه لشريحة عمرية أكبر من شريحة الأطفال والمراهقين، ومحبى أفلام الخيال العلمي بشكل عام.

 Earth to Echo كان ممكن يكون فيلم أفضل لو حاول يبتعد عن “الفزلكة التصويرية” والاقتباس من فيلم عظيم زى E.T لكنه يظل فيلم مناسب لشريحة الأطفال والمراهقين، وإن كان دخوله فى السينما من وجهه نظرنا إهدار لثمن التذكرة ومجهود التوجه لدار العرض.

عجبك ؟ جرب

فيلم E.T.

نصيحة 360

تعدت ميزانية الفيلم حوالى 12 مليون دولار.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح