The Definitive Guide to Living in the Capital , Cairo , Egypt

تقريبًا مافيش موضوع قُتل بحثًا بخصوص أفلام الخيال العلمى، أكثر من الأحداث اللى بـ تتم فى المستقبل، ومحاولات المؤلفين وكتاب السيناريو والمخرجين تقديم نظرتهم المستقبلية للأحداث على كوكب الأرض بعد عشرات –أو حتى مئات– السنين.

طبعًا نقدر بقليل من الجهد أننا نستثنى الأفلام اللى بـ تتكلم عن فكرة السفر عبر الزمن، دى الأفلام الوحيدة اللى ممكن تنافس الأفلام اللى بـ تتكلم عن الأحداث المستقبلية على كوكب الأرض من حيث العدد وكمية الإنتاج.

من إخراج نيل بلومكامب بـ نشوف مات ديمون واحد من ممثلي هوليود اللى بـ يتنافس على لقب “معشوق الفتيات” فى الوسط الهوليوودى بـ نشوفه فى دور ماكس، الشاب اللى بـ يعانى من مرض خطير ومالوش علاج غير أنه يدخل لمنطقة الأغنياء المنعزلين فى مستعمرات خاصة بهم، وسايبين عامة الشعب لمصائرهم الصعبة.

الفيلم اللى بـ يجمع بين الأكشن والخيال العلمي وبعض الميلودراما، بـ يشارك فى أداء الأدوار فيه جودى فوستر وأليس براجا وغيرهم من النجوم، وبـ يستعرض على مدار حوالي ساعة ونصف الرحلة اللى بـ يقرر ماكس القيام بها.

الحقيقة أن الديكورات والمؤثرات الخاصة للفيلم كان لها نصيب الأسد فى البطولة، وقدر المخرج أنه يحقق عنصر الإبهار بدرجة كبيرة ومتميزة، لكن على الصعيد الآخر الموسيقى التصويرية حسينا أنها كان ممكن تكون أفضل من كده، وكانت بعض المشاهد بـ نحس أنها خرجت عن النص بعض الشيء، لكن يظل مستواها العام متميز.

من الغريب أننا نحس بالحماس لمتابعة فيلم خيال علمى فى وسط الظروف اللى بـ نمر بها، لكن Elysium قدر يجذب انتباهنا ويحسسنا أن فيه سينما حقيقية بعيدًا عن عوالم أوكا وأورتيجا والأفلام اللى من إنتاج السبكى!