The Definitive Guide to Living in the Capital , Cairo , Egypt

أفلام
Fast & Furious 6

Fast & Furious 6: احترافية الإبهار

  • باول والكردواين جونسون...
  • إثارةحركة ومغامرات
  • جاستن لينجاستن لين
  • في1 Cinema
تم التقييم بواسطة
Mohamed Hamdy
قيم
قيم الآن
Fast & Furious 6: احترافية الإبهار

لما يكون الجزء الأخير من سلسلة أفلام قدرت تحقق أكثر من 200 مليون دولار إيرادات بـ يصبح تقديم جزء جديد أكثر إبهارًا مسئولية كبيرة وصعبة على كل طاقم العمل المشاركين فى الفيلم. السؤال هو: هل نجح القائمين على الجزء السادس من Fast & Furious  في تقديم جديد؟

الإجابة بكل صدق هى: نعم.. الفيلم قدر يأخذ المشاهدين لأبعاد جديدة من الإبهار وتنفيذ الحركات الصعبة، واستغلال تقنيات العرض الجديدة سواء العرض ثلاثي الأبعاد أو العرض بتقنية آى ماكس على أعلى مستوى لتحقيق مشاهدة جديدة ومبهرة. مش بس على مستوى التقنية، لكن أيضا على مستوى السيناريو والمونتاج وباقي عناصر صناعة التجربة السينمائية.

من إخراج التايوانى جاستن لين، بـ نشوف فان ديزل وبول واكر وديواين جونسون فى أحدث أجزاء السلسلة الناجحةFast & Furious  من خلال مهمة جديدة بـ يتم تكليف الفريق بآداءها.

الفيلم بـ يبدأ من آخر تحدي انتهى إليه الجزء الأخير بين دووم وبول والكر. ثم بـ يبدأ في استكمال الأحداث وتعريف المشاهدين بالثروة اللى بدأ الفريق فى صرفها بعد نجاحه فى الحصول عليها فى الجزء الأخير. بالتالى لو ما كنتش من متابعي السلسلة، ننصحك تشوفها، أو على الأقل تشوف الجزء الخامس علشان تكتمل عندك متعة المشاهدة وما تحسش بانقطاع عن الأحداث.

الجديد فى الفيلم كان الخيط الكوميدى الخفيف المسيطر على الأحداث. دى كانت إضافة جديدة ومتميزة، وكان من الجميل أننا (نفصل) وسط الأكشن الموجود فى كل مشهد ببعض التعبيرات الكوميدية اللى اثارت  الضحكات على امتداد صالة العرض اللى كانت مليانة بالجمهور. الأمر اللى أعطانا انطباع أن السلسلة ناجحة ومسمعة مع الجمهور رغم امتدادها لستة أجزاء كاملة.

Fast & Furious 6 من الأفلام اللي ممكن نتكلم عنها أكثر من كده، إلا أنك مش هـ تقدر تحس بالتجربة كاملة – ناهيك عن عدم رغبتنا فى حرق الأحداث – إلا لو تابعت الفيلم بنفسك. وننصحك بشدة تشوف الفيلم فى قاعات الآي ماكس علشان تحس بتجربة كاملة وترجع تقول لنا رأيك فى التعليقات.

عجبك ؟ جرب

باقي أجزاء السلسلة الأكثر من مبهرة.

نصيحة 360

لتجربة مشاهدة أكثر من ممتعة، ننصحك تتفرج على الفيلم من خلال سينما آي ماكس بتقنيات عرض مذهلة.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح