The Definitive Guide to Living in the Capital , Cairo , Egypt

أفلام
Fifty Shades Darker

Fifty Shades Darker: قصة حب للكبار فقط!

  • إريك جونسونبيلا هيثكوت...
  • رومانسي
  • جيمس فولي
  • في1 Cinema
تم التقييم بواسطة
Mohamed Hamdy
قيم
قيم الآن
Fifty Shades Darker: قصة حب للكبار فقط!

 

سلسلة أفلام Fifty Shades هتظل بتحتل مكانة خاصة عند محبي الأفلام الرومانسية طوال الوقت، وهتفضل المناقشات بين مؤيدي ومعارضي السلسلة بخصوص كمية المشاهد الجنسية الموجودة في كل جزء من أجزاء السلسلة، لكن مش هنقدر ننكر أن السلسلة تعتبر واحدة من أكتر الأعمال السينمائية تميزًا وقوة.

الفيلم مقتبس عن رواية بنفس الاسم للكاتبة البريطانية إيه إل جيمس، ومن إخراج جايمس فولي، ودي أول مرة يخرج فيها فيلم من أفلام السلسلة، لكنه أيضًا مخرج مسلسل House of Cards واللي حصل على إعجاب ومتابعة الملايين حول العالم.

extended-trailer-fifty-shades-darker

الفيلم بيكمل أحداث الجزء السابق، وبيستعرض لنا حياة آنستازيا ستيل اللي بتقوم بدورها داكوتا جونسون، ومحاولتها النجاح في حياتها العملية في عالم الكتابة والعمل في دور النشر، آنستازيا كمان بتحاول تتعافي من مشاكلها العاطفية لحد ما بيظهر كريستان جراي في حياتها من جديد، واللي بيلعب دوره جايمي دورنان.

مع الظهور الجديد لجراي في حياة آنستازيا، بيعرفها أنه عاوز يغير من نفسه ويتوقف عن السلوك العدواني ضد النساء في الحب، لكن كل اللي بنشوفه بعد كده في الفيلم هو ممارسات جراي العنيفة مع آنستازيا، اللي هي نفسها بتكون راضية عنها.

بنعيب على السيناريو أنه اختلق بعض المشكلات في حياة آنستازيا، ووضع لنا دور جراي في حلها، ودائما الحل بيكون باستخدام المال والنفوذ، وده عرض الكاتبة لحملة من الانتقادات ظهرت مؤخرًا لما قامت بحملة للإجابة على أسئلة المعجبين لمدة ساعة، وتحولت الساعة لسلسلة من الانتقادات لها ولروايتها، واتهامها بالتحريض على العنف ضد المرأة، وكان من ضمن الأسئلة سؤال: هل الرسالة التي تهدف كتبك إلى إيصالها هي أن العلاقات التي يتخللها العنف رائعة، إذا كان الطرف العنيف غنيًا ووسيمًا؟ وطبعًا الرد كان الصمت!

bfd53bb3ecda30d584c49ffe3489ef93

صورة الفيلم كانت في منتهي الروعة، سواء الكادرات المتميزة، أو زوايا التصوير المختلفة، والاستغلال الرائع للديكورات اللي تم الإنفاق عليها ببذخ يتناسب مع المستوي المادي العالي لبطل الفيلم.

الشيء اللي لازم نتكلم عليه في فقرة لوحدها هو الموسيقى التصويرية… الموسيقى كانت أكتر من رائعة، وجمعت بين المزيكا الكلاسيكية والأغاني السريعة الحماسية، والحقيقة أن موسيقى الفيلم لوحدها كانت أشبه بمعزوفة أسطورية، طارت بأذاننا لآفاق تانية، ولو باقي عناصر الفيلم كانت بقوة الموسيقى التصويرية، كنا أعطينا الفيلم 5 نجوم بدون تفكير.

أكتر حاجه ضايقتنا في مشاهدتنا الشخصية للفيلم في السينما، هو أننا شوفنا بعض الاطفال بيشاهدوا الفيلم مع أهاليهم، وكلهم أصغر من السن المسموح به لمشاهدة فيلم مصنف للكبار فقط. ومع كل مشهد جنسي في الفيلم كنا بنشعر بالضيقة إن معانا ناس تحت السن بتتفرج على الفيلم بدون اعتراض من إدارة المكان!

فيلم Fifty Shades Darker فيلم رومانسي للكبار فقط، لولا بعض المشاكل في السيناريو كان ممكن نعتبره من أكتر الأفلام رومانسية اللي شوفناها مؤخرًا.

علشان تبقي عارف:

  • في مارس 2015، أعلنت المخرجة (سام تايلور جونسون) أنها لن تعود ﻹخراج الجزء الثاني والثالث من السلسلة.
  • خلال شهر يناير من عام 2016، تم التأكيد أن النجمة (كيم باسينجر) ستؤدي شخصية (إلينا لينكولن) بالفيلم.

عجبك ؟ جرب

Fifty Shades of Grey

نصيحة 360

سيناريست الفيلم (نيول ليونارد) هو زوج (إي. إل. جايمس) التي ألفت سلسلة الكتب القائم عليها الفيلم

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح