The Definitive Guide to Living in the Capital , Cairo , Egypt

أفلام
I Am Wrath

I Am Wrath: أكشن خفيف وحبكة مملة

  • جون ترافولتا
  • إثارةحركة ومغامرات
  • في1 Cinema
تم التقييم بواسطة
Mohamed Hamdy
قيم
قيم الآن
I Am Wrath: أكشن خفيف وحبكة مملة

تيمة الأفلام القائمة على وجود شخصية أساسية تظهر في البداية طيبة لكن بعد كده نكتشف أن لها ماضي وبتمتلك خبرات لا يمكن الاستهانة بها في عالم القتال وتبادل إطلاق النار والتعامل مع المجرمين. الفكرة دي شوفناها في أفلام كتير زي taken  اللي بيحكي عن أب بيعمل في المخابرات سابقًا وبيضطر يستعيد خبراته علشان يلاقي الناس اللي خطفت بنته، أو حتى فيلم John wick واللي بيعرض انتقام مجرم تائب سابق من الناس اللي بتحاول تدمر حياته. فيلم النهارده بينتمي لنفس النوعية وإن كان مستواه الفني أضعف بكتير من الأفلام دي.

فيلم I Am Wrath من بطولة جون ترافولتا وكريستوفر ميلوني، ومن إخراج تشاك راسل، بنشوف قصة مجرم سابق بيحاول يعيش حياته من جديد بنظافة وحيادية، إلا أن زوجته بتتعرض للقتل أمام عينيه، الأمر اللي بيجبره على العودة من جديد لأيام (الشقاوة) علشان ينتقم من القتلة، فقط علشان يكتشف أن قتلها كان له أبعاد أكبر وأن الموضوع ما كانش مجرد قتل من أجل السرقة.

النصف الأول من الفيلم بيمر في سرد الأحداث بدون أكشن، يمكن شوفنا مشهد واحد أو أتنين فقط اللي كان فيهم أكشن في الفيلم، ومستوى الأكشن كان متذبذب ما بين مشاهد قتالية عنيفة وقوية ومتميزة، وما بين قفلات المشاهد واللي حسينا أنها غير منطقية وسريعة، زي مثلًا مشهد المعركة اللي بيصاب فيها صديق ستانلي في قدمه، فقط لتبرير عدم قدرته على مطاردة المتهم الرئيسي في الفيلم.

الموسيقي التصويرية ما كانش لها أي دور في الفيلم، كانت هادية أكتر من اللازم وغير مؤثرة، والحقيقه أن جمهور النوعية دي من الأفلام مش بيكون مهتم بالموسيقى بقدر اهتمامه بالأحداث نفسها. كمان الديكورات كانت محتاجة شغل أكتر من كده وحسينا أن الديكورات كانت شبه بعضها بدرجة كبيرة.

I Am Wrath  فيلم أكشن خفيف بحبكة مملة بعض الشيء، ومشاهد الأكشن لم تنقذ الفيلم من شعورنا بالملل وبأنه فيلم متوسط الجودة والتكلفة.

عجبك ؟ جرب

 John wick

نصيحة 360

جون ترافولتا بطل الفيلم بدأ حياته الفنية كراقص ومطرب بالأساس، بعد كده اتجه أكتر للتمثيل وقدم أدوار مهمة في الكثير من الأفلام ولعل دوره فى فيلم Face Off لا ينسى.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح