-
باتريك ويلسونتي سمبكينز...
-
إثارةرعب
-
جيمس وانجيمس وان
-
في1 Cinema
Mohamad Adel
ما بين وقوع
“دالتون” في غيبوبة، وبين محاولات إيقاظه، شعورين مختلفين، لكن يفضل فقر
الفيلم إنتاجيًا يمنع الوصول للشعور بالاكتمال من التجربة السينمائية.
الزوجان “جوش”
و”ريناي” بـ يشتروا منزل جديد علشان يربوا فيه أولادهم، والبيت الجديد مافيش
فيه أي مشكلة غير وجود الأشباح كالعادة!.. هنا الأشباح مش بـ تكتفي بإخافة
الزوجين، لكنها كمان بـ تقدر تحط “دالتون” –ابن “جوش”
و”ريناي”– في غيبوبة، ما يقدرش الأطباء يفسروا أسبابها، لكن بعد مرور 3
شهور، ومشاهدات “ريناي” لأشياء غريبة بـ تحصل في البيت، بـ يلجأوا لاستحضار
الأرواح من خلال السيدة “إليس” واللي تقول لهم أن “دالتون” مش
في غيبوبة، لكن روحه في منطقة ثانية بعيدة عن جسمه الموجود في البيت، ويكون مهمة
“جوش” أنه يرجع ابنه مهما كان الثمن.
تفضل القصة عادية حتى
لحظة وصول “إليس” للبيت وبدء عمليات استحضار الأرواح، ونقدر نعتبره جزء
مش جديد وشوفناه في أفلام قبل كده، لكن الملاحظ الدقة الشديدة في تصوير كيفية
العمليات دي، كمان تعريفنا بالأجهزة بشكل مباشر وغير مباشر، وكأنه فيلم تعليمي
لكيفية استحضار الأرواح!
تفضل تتابعات محاولات
“جوش” الوصول لابنه “دالتون” بمساعدة زوجته “ريناي”
والسيدة “إليس” كأفضل تتابعات الفيلم ده، وإن عابها الفقر الشديد في
استخدام المؤثرات، والاعتماد التام على قدرة خبراء المكياج في تصديقنا للقصة بـ توقع
الفيلم نفسه في فخ، فـ تفضل القصة جيدة نوعًا، لكن ما توصلوش لمرتبة أعلى.