The Definitive Guide to Living in the Capital , Cairo , Egypt

أفلام
Jackass Presents: Bad Grandpa

Jackass Presents: Bad Grandpa: الجد الشقى يظهر مجددًا

  • جاكسون نيكولجوني جنوكسفيل
  • كوميدي
  • جيف تيرمانجيف تيرمان
  • في1 Cinema
تم التقييم بواسطة
Mohamed Hamdy
قيم
قيم الآن
Jackass Presents: Bad Grandpa: الجد الشقى يظهر مجددًا

شخصية “الجد الشقى” أو الجد اللى بـ يخرق الشكل العادى للأسرة والأباء من الشخصيات الحديثة بالنسبة لنا فى المجتمع العربى والمصرى بشكل خاص، يمكن لأننا بـ نحط الناس الكبيرة عمرًا فى مكانة معينة، ونرفض أننا نشيلهم من المكانة دى، وده بالضبط اللى حصل فى Bad Grandpa.

من إخراج جيف تريمين بـ نشوف جوني كنوسفيل اللى بـ يقوم بجد قارب سنه على التسعين فى رحلة حول أمريكا لتوصيل حفيدة “جاكسون نيكول” لوالده الحقيقى، الرحلة اللى بـ تأخذنا فى عالم لا ينتهى من المغامرات الكوميدية والمفارقات اللى بـ تخلينا نتابع الفيلم حتى نهايته.

شخصية الجد شوفناها بشكل غير مكتمل فى فيلم زى Little Miss Sunshine اللى بـ يلعب الجد فيه دور رجل منفلت رغم تقدمه فى السن، ومش بـ يعمل أى حاجة فى حياته غير الكلام الجنسى الفج، لكننا مش بـ نقدر نمنع أنفسنا من الحزن عليه بعد وفاته المفاجئة، وواضح أن صناع فيلم Bad Grandpa اشتغلوا على نفس التيمة لكن بشكل أكثر توسعًا، لذلك نتوقع أجزاء مختلفة من الفيلم فى حال قدرته على تحقيق النجاح.

فى الأفلام اللى بالنوعية دى الموسيقى التصويرية والديكورات مش بـ يكون لها نصيب الأسد من صنع نجاح الفيلم، بالتالى شوفنا مستوى عادى وتقليدى من الموسيقى التصويرية والديكور مع بعض، ويمكن تركيز المشاهد بالدرجة الأولى هنا بـ يكون مع الأحداث الكوميدية والمفارقات اللى حسينا أن بعضها مصطنع والبعض الآخر نُفذ بحرفية كبيرة، لكن فى الحالتين مش هـ نقدر ننكر أن الفيلم انتزع مننا كثير من الضحكات فى وقت أصبحت فيه الكوميديا عملة صعبة.

كلامنا عن Bad Grandpa قليل لأن الحالة اللى بـ يخلقها الفيلم مش هـ تقدروا تعيشوها بالكامل إلا لو شوفتوا الفيلم بنفسكم، وهو بـ ينتمى لنوعية الأفلام اللى يستحسن أن المشاهد يشوفها بنفسه عن أنه يقرأ لها مقال نقدي.. قد يثير الفيلم ضحككم ببعض التحفظات، وقد يثير ضيقتكم فى بعض المواقف الثانية، وبالتأكيد هـ يفكركم بالعديد من المشاهد الكوميدية فى أعمال سابقة، لكنه بالتأكيد يستحق المشاهدة لو كنتم من محبى الكوميديا المعتمدة على المواقف والسخرية اللاذعة.

عجبك ؟ جرب

Little Miss Sunshine.

نصيحة 360

بعض ردود أفعال الجمهور فى الفيلم تم تصويرها بشكل حقيقى بعيدًا عن الأداء التمثيلى.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح