The Definitive Guide to Living in the Capital , Cairo , Egypt

أفلام
Lone Survivor

Lone Survivor: أخيرًا فيلم حربي

  • إيميل هيرشبن فوستر...
  • إثارةحركة ومغامرات...
  • بيتر بيرجبيتر بيرج
  • في1 Cinema
تم التقييم بواسطة
Mohamed Hamdy
قيم
قيم الآن
Lone Survivor: أخيرًا فيلم حربي

الحقيقة أننا من عشاق الأفلام الحربية من أيام الأفلام الأجنبية بالأبيض والأسود، روائع هوليوود زى “جسر نهر كواي” أو “مدافع نافارون” وحتى المعجزة الحية “إنقاذ الجندى رايان”، وإحنا عارفين أننا من أكبر عشاق الأفلام الحربية، بالتالى كان معرفتنا بفيلم Lone Survivor بمثابة احتفال بنوعية الأفلام اللى بـ نحبها.

من إخراج بيتر بيرج بـ نشوف مارك ويلبيرج وتيلور كيتش وغيرهم من الأبطال فى قصة مستوحاة من أحداث حقيقية عن عملية أمنية عسكرية لفريق السيل (بـ يوازى فرق الصاعقة والقوات الخاصة فى مصر) واللى دارت أحداثها سنة 2005 من خلال استهداف أحد عناصر حركة طالبان الخطرة.

العملية بـ تتعرض للفشل، وبـ يتم الإمساك بناجى وحيد من العملية (من هنا جاء اسم الفيلم)، وبـ تبدأ الأحداث تتطور ويظهر فيها العديد من الخطوط الثانية اللى مش عاوزين نحرقها عليكم.

الإثارة هى البطل الأول فى الأحداث، ونقدر نقول بضمير مستريح أن مافيش مشهد واحد مافيهوش إحساس بالإثارة وحبس الأنفاس، لكن برضه لو هـ نقارن الفيلم ده بـ Saving Private Ryan مثلاً برضه الفيلم الأخير هـ يظل الفائز رغم أى شىء.

المؤثرات الخاصة والخدع السينمائية كان لها دور كبير فى الأحداث، وخصوصًا تنفيذ المشاهد الصعبة والدوبليرات، أما الديكورات فـ كانت بـ تساعد على إدخال المشاهد فى الجو العام للأحداث، وبشكل أساسى من المشهد الأول بـ نضمن تجربة دخول المشاهد فى الأحداث بشكل كامل.

فيلم Lone Survivor فيلم حربي جاء على “شوقه” بالتالى كان لازم نحتفل به وندعوكم لمشاهدته، لكن بلاش تقارنوه بأفلام ثانية من نفس التصنيف الحربي لأنه مش هـ ينجح فى المنافسة مع كل الأفلام اللى شوفناها قبل كده.

عجبك ؟ جرب

Saving Private Ryan.

نصيحة 360

تم تصنيف الفيلم كأفضل فيلم حربي بعد فيلم Saving Private Ryan، ننصحكم تشوفوا الفيلم قبل Lone Survivor علشان تقدروا تعملوا حكم حقيقى وكويس.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح