The Definitive Guide to Living in the Capital , Cairo , Egypt

أفلام
Miss Sloane

Miss Sloane: عن كواليس السياسة الأمريكية!

  • Gugu Mbatha-RawJake Lacy...
  • دراما
  • John Maddenجون مادن
  • في1 Cinema
تم التقييم بواسطة
Mohamed Hamdy
قيم
قيم الآن
Miss Sloane: عن كواليس السياسة الأمريكية!

السياسة الأمريكية واحدة من أشرس حلبات الصراع السياسي في العالم، والأعمال اللي تناولت الفكرة دي كتيرة ومتنوعة، يمكن أشهرها على الإطلاق مسلسل House Of Cards واللي بيحكي عن عالم النفوذ والقوة والسيطرة على الإنتخابات الأمريكية من خلال رحلة واحد من أشهر وأقسى رجال السياسة في الولايات المتحدة وهو (فرانك أندروورد).

فيلم اليوم بيحكي عن إليزابيث سلون السياسية الأمريكية القاسية، واللي متعودة تكسب كل معاركها السياسية بأي طريقة ممكنة، لكن لما بتواجه أقوى خصم في حياتها السياسية بالكامل، بتتعلم -ربما للمرة الأولي- فداحة الثمن اللي ممكن تدفعه علشان توصل للهدف اللي عاوزة توصل له.

مش عاوزين نحرق عليكم الأحداث أكتر من كده، علشان تشوفوا أبطال الفيلم وهم  جيسيكا تشاستين، دوجلاس سميث، مايكل ستولبيرج، مع جيك أسي، والفيلم من إخراج جون مادن عن قصة وسيناريو وحوار جوناثان بيريرا.

الأداء التمثيلي لمعظم أبطال الفيلم كان ضعيف، وممكن نقول أنه باستثناء جيسكا تشاستين كانت باقي الأدوار التمثيلية ضعيفة ومش مؤثرة، وده يمكن بسبب ضعف الأسلوب الإخراجي، لأننا تعلمنا لما نلاقي مجموعة كبيرة من الممثلين مش عارفة تقوم بأدوارها بشكل جيد بيكون العيب غالبًا من الإخراج.

المميز في الفيلم كان الحوار، واللى كان واضح إنه متعوب عليه، والحوار كانت ميزته أنه مؤثر وقوي وحاسم، لكن في نفس الوقت حسينا أن بعض الجمل الحوارية مش من المستخدمة في الحياة اليومية التقليدية للبشر، لكن كان ممكن نتغاضى عن العيب ده أمام باقي مميزات حوار الفيلم.

الموسيقى التصويرية كانت قوية ومؤثرة في بعض المشاهد، لكن بناخد على صناع الفيلم أن الموسيقى ما كانتش بنفس القوة في كل المشاهد، لاحظنا كمان أن بعض مشاهد الفيلم كانت محتاجة جرعة أكبر من الموسيقى التصويرية، ولأن ده ما حصلش فخرجت المشاهد دي باهتة وضعيفة.

فيلم Miss Sloane من نوعية الأفلام اللي مش محتاجة كلام كتير.. يعنى لازم تشوفه بنفسك، ونقدر نعتبره من الأفلام اللي ما بتقبلش الحلول الوسط.. إما هتحبوها جدًا وتعيشوا أحداثها، أو هتحسوا ناحيتها بالكراهية وأنكم مش عارفين تكملوا الفيلم للنهاية.

miss-sloane1

علشان تبقى عارف: الفيلم حصل على تقييم 5.5 من 10 على موقع IMDB لتقييم الأفلام.. وشارك في التقييم حوالى 2000 مستخدم للموقع.

عجبك ؟ جرب

Thank You for Smoking

نصيحة 360

النجمة (جيسيكا شاستين) والنجم (مارك سترونج) تعاونا من قبل في فيلم (Zero Dark Thirty) من إنتاج عام 2012.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح