The Definitive Guide to Living in the Capital , Cairo , Egypt

مين يكره أفلام الأكشن والتشويق خاصة لما يتصادف مشاهدتنا لها أجازة الويك إند وتفضيلنا لمشاهدة فيلم حركة وتشويق في الفترة دي.. الفيلم ينتمي للفئة المتوسطة من حيث قوة الفيلم والحبكة، لكنه في النهاية فيلم مسلي ويستحق المشاهدة.

 من إخراج ستيفن إس.كامبينيلي وبطولة أولجا كوريلينكو ومورجان فريمان وجيمس بوريفوي وأيدين وايتوك، بـ يبدأ الفيلم بمشاهد افتتاحية لقيام مجموعة من العصابات بسطو مسلح على بنك باستخدام أجهزة تقنية حديثة لتغيير الصوت ومن خلال أرتدائهم أقنعة تخفي وجوههم. السرقة بـ تتطور لشجار بين اللصوص نفسهم الأمر اللي بـ يبدأ يحرك الأحداث في الفيلم ويسحبنا كمشاهدين لمغامرة طويلة من مجموعة من محترفي القتل والسرقة ضد سيدة وحيدة وجدت نفسها مطاردة من جهات لا قبل لها بهم.. يا ترى الأمور هـ توصل لإيه؟

الأداء التمثيلي على الرغم من ضعفه إلا أنه أدي المطلوب منه، وهو تقديم المبرر الدرامي لمساحة الأكشن والمطاردات اللي استنفذت الفيلم كله تقريبًا، لكن الزج باسم مورجان فريمان في بطولة الفيلم كان غير مبرر، لأن الرجل كانت مساحة دوره صغيره للغاية ومش متناسبه مع حجم اسمه، وللأسف الدور نفسه لم يكن بالقوة اللي تحتاج اسم مورجان فريمان، لكن نعتقد أنه تم الإستعانة باسمه لتقديم اسم (كبير) في الفيلم لضمان زيادة الإيرادات.

 الموسيقى التصويرية لم تكن قوية إلا في بعض مشاهد الأكشن، لكن الديكورات كانت متميزة وعكست انطباعات مختلفة بالشياكة أو الوضاعة أو حتى الغموض في كل مشهد حسب المطلوب منها، كمان إخراج مشاهد الأكشن كان قوي ومتميز ويستحق التحية وكان واضح فيه الجهد المبذول.

على الرغم من قوة الفيلم إلا أن لحظات المفاجأة أو الـ Twist اللى كانت بـ تحصل كانت متوقعة ومفهومة ولم تحتاج منا ذكاء كبير علشان ندركها، وده يعتبر واحد من عيوب الفيلم أنه فشل في تحقيق مفاجأت حقيقية في الأحداث وأكتفى بمشاهد الأكشن والمطاردات ليس إلا، وده كان من عوامل الضعف في الأحداث.

 Momentum مش أحسن فيلم أكشن في الموسم، لكنه فيلم يستحق المشاهدة، ولو على سبيل التسلية وتغيير الجو.