The Definitive Guide to Living in the Capital , Cairo , Egypt

أفلام
My Big Fat Greek Wedding 2

My Big Fat Greek Wedding 2: جزء ثاني كوميدي وخفيف

  • جون كوربيتجوي فالوني...
  • كوميدي
  • كيرك جونزكيرك جونز
  • في1 Cinema
تم التقييم بواسطة
Mohamed Hamdy
قيم
قيم الآن
My Big Fat Greek Wedding 2: جزء ثاني كوميدي وخفيف

الأسرة هي الكيان الصغير اللى بيضمنا فى أحضانه من صغرنا لحد ما نكبر، وهي الحضن الكبير اللى بنلجأ له لما نبقى عاوزين نـ… إيه الكلام الكبير اللى إحنا بنقوله ده؟! الحقيقة أن الأسرة ومفهمومها كان مجرد مدخل لصناع الجزء الثاني من فيلم My Big Fat Greek Wedding علشان يقدموا لنا الكوميديا بتاعتهم.. لكن هل نجحوا؟

من إخراج كيرك جونس وبطولة نيا فاردوليس وجون كوربيت وريتا ويلسون بنشوف قصة عائلة يونانية كبيرة ومجنونة تمامًا، بداية من الأب والأم الكبار وحتى أفراد الأسرة واحد واحد، الأمر اللى بيضع ابنتهم الصغيرة ألينا كامبورس فى مواقف كتير محرجة وكوميدية فى نفس الوقت.

على الرغم من بساطة القصة وعدم وجود Twist فى الأحداث يغير كل شىء ويقلب الدنيا رأسًا على عقب، إلا أن نسبة الكوميديا اللى خرجنا بها من أحداث الفيلم كانت جيدة وشيقة جدًا وجديدة فى نوعيتها، وإن كنا محتاجين من الكوميديا تكون أكثر تركيزًا ويكون الفيلم أكتر إخلاصًا لها.

الأداء التمثيلي لكل الأبطال كان عظيم جدًا، كل واحد كان عارف إمتى بتبدأ حدود دوره وإمتى بتنتهي، وكان مفهوم جدًا التنوع العمري للشخصيات الخاصة بالفيلم، بالتالي كل ممثل كان عارف حدود سنه والمسموح له فى الأداء يبدأ فين وينتهي فين، وعلى الرغم من وجود شخصيات كتيرة من شخصيات الفيلم سنها كبير، إلا أن روح الفيلم الشبابية كانت طاغية على الجميع وقدمت عرض كوميدي خفيف وظريف.

الموسيقى التصويرية حسينا أن دورها مش قوي زي ما كنا متخيلين، يمكن بسبب الطبيعة الكوميدية للأحداث اللى بتخلي التركيز مع الأحداث أكتر من التركيز مع الموسيقى فى الخلفية، أو يمكن صناع الفيلم نفسهم كانوا عاوزين يقللوا من سطوة الموسيقى على حساب سيطرة الأحداث.

My Big Fat Greek Wedding من نوعية الأفلام اللى الكلام عنها ممكن يكون قليل، لكنها بتوفر فى النهاية مباراة كوميدية جميلة، كنا متوقعين بس زيادة نسبة الكوميديا عن كده، والاهتمام بباقى عناصر الفيلم بالتوازي مع القصة، لكن الفيلم فى مجمله جميل وجدير بالمشاهدة لمحبى الأفلام الكوميدية.

عجبك ؟ جرب

الجزء الأول من نفس السلسلة.

نصيحة 360

الفيلم يعتبر ثالث تعاون بين الممثلة نيا فاردوليس والممثل جون كوربيت.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح