The Definitive Guide to Living in the Capital , Cairo , Egypt

على الرغم من أفكار الرعب الجديدة اللي بدأت تظهر مؤخرًا زي the perfect guy أو no escape وهي الأفلام اللي مش الكل بـ يعتبرها أفلام رعب وممكن يصنفها على أنها أفلام إثاره أو أكشن، إلا أننا شايفين أن هو ده الإتجاه الحقيقي اللي المفروض أفلام الرعب تسير فيه، لكن أفلام زي أفلام الأشباح والعفاريت أصبحت مكررة ومستهلكة ومافيش جديد فيها للأسف.

من إخراج ليلوس كويليز وتأليف أليكس باستور بـ نشوف قصة أسرة بـ تنتقل للإقامة في دولة جديد هي كولومبيا ومدينة جديدة، الأسرة بـ تتكون من الأب بول والأم سارة: سكوت سبيدمان وجوليا ستايلز على الترتيب ومعاهم ابنهم، الأمر اللى بـ يتطلب منهم إحضار مربية علشان تقعد معاه لما يكونوا مش موجودين.

في غيابهم بـ يشوف الولد حاجات غريبة جدًا، أطفال صغار بـ يظهروا له من كل مكان، وشوشهم غريبة ومحروقة، الأمر اللي بـ يعيد في الأذهان -ما الأب والأم بـ يكتشفوا اللى بـ يحصل- قصة قديمة عن لعنة أصابت البلد نتيجة حادث قديم تسبب في حرق عدد كبير من الأطفال الصغار وهم أحياء، الأمر اللي بـ يخلي أشباحهم تحوم في كل مكان بـ تطلب القصاص وبـ تأذي الجميع، خاصة الأطفال.

على صعيد الإخراج والسيناريو الفيلم لم يقدم أي جديد يذكر، لدرجة أننا كنا متوقعين كل حدث وكل كلمة وكل مشهد، وطبعًا كنا متوقعين النهاية زي ما كنا متوقعين البداية، الصراحة يعني الفيلم لا يحمل أي تجديد من أي نوع لنمط الرعب اللي بـ ينتمي له.

الموسيقى التصويرية هي كمان لم تقدم جديد يذكر، لكن الديكورات كانت جديدة وجذابة وخصوصًا ديكورات مشاهد الرعب اللي قدرت تنقلنا لحالة الرعب اللي المفروض الفيلم بـ يحاول يدخلنا فيه، على الرغم من أن الرعب الحقيقي في الفيلم والجرعة الأساسية له مش بـ تبدأ غير في النصف الثاني من الفيلم بعد استهلاك النصف الأول في مشاهد وأمور مكررة ومحفوظة في أي فيلم رعب آخر.

Out of the dark محاولة استسهالية لتقديم فيلم رعب جديد، هـ نضيفه لقائمة أفلام الرعب اللي مش بـ ننصح حد بمشاهدتها إلا عشاق الرعب، اللي هـ يشوفوا أي حاجة قدامهم مهما كانت ضعيفة ومستهلكة.