The Definitive Guide to Living in the Capital , Cairo , Egypt

مش هـ نقدر ننسى شخصية بيتر بان الطفل المعجزة اللى بـ يقدر يطير، ومغامراته في نيفرلاند وكل الحاجات الجميلة اللى شوفناها في صغرنا في أفلام الكارتون والأنيميشن.. الفيلم اللى بـ يعرض في 2015 بـ نعتبره استمرار لنجاح تقديم الشخصية دي في السينما ونجاح القدرة على الإبهار في تقديم فيلم متميز ومناسب لكل أفراد العائلة.

من إخراج جو رايت وبطولة أماندا سيفريد وروني مارا وهيو جاكمان وجاريت هيدلوند بـ نشوف قصة بـ نعتبرها واحدة من أقدم كلاسيكيات القصص المقدمة وهي قصة بيتر بان الطفل اليتيم اللى بـ يعيش حياة صعبة في الميتم اللى بـ يعيش فيه، خاصة مع ظروف الحرب العالمية الثانية والغارات المتكررة واللى بـ تجعل حياته جحيم، إلى أن يستطيع مجموعة من القراصنة الخارقين للطبيعة خطفه في مغامرة جريئة ومثيرة معقدة ولعبت المؤثرات الخاصة دور كبير جدًا فيها.

ما اتغيرش كثير في القصة الأصلية لبيتر بان واللى ابتكرها مؤلف مسرحي اسكتلندي هو جيمس ماثيو هاري في أوائل القرن الماضي، وكانت بـ تحكي عن شخصية خيالية هي بيتر بان والقادر على الطيران واللى مش بـ يكبر أبدًا وبـ يقوم بمغامرات كثير مع حوريات البحر والقراصنة أو حتى مع الأطفال الضالة أو Lost Boys واللى بـ يقودهم.

على صعيد الأداء التمثيلي.. أداء هيو جاكمان في دور بلاك بيرد القرصان الشهير، وقدرته على المزج بين الشر والفكاهة في نفس الوقت كان أكثر من متميز وقدر يعطي الشخصية زخم متميز وله نكهة جديدة، أما الطفل ليفي ميلر واللى قدم حوالى 6 أفلام حتى الآن يعتبر فيلمنا اليوم هو أقواهم وأكثرهم تميزًا، وبـ نعتقد أن هـ يكون له أثر كبير في المستقبل لو استمر على السياسة التمثيلية وقدرته على أداء الشخصيات المسئول عنها.

بالنسبة للحوار، نعتقد أنه ما كانش بنفس قوة باقي عناصر الفيلم، أما الموسيقى التصويرية والديكورات فكانت أكثر من مذهلة، ولما تناغمت مع المؤثرات الخاصة اللى خطفتنا من اللحظة الأولى وقدمت لنا تجربة مشاهدة جديدة ومتميزة عبر تقنية الـ 3D واللى حسينا أنها بالفعل حقيقية مش معمولة لزيادة ثمن التذكرة زي ما شوفنا مع أفلام ثانية كثير.. كل التناغم ده أدى لتجربة سينمائية قوية وجميلة.

آخر معلومات عرفناها عن الفيلم هي أنه يعتبر ثاني تعاون سينمائي بين أماندا سيفريد وهيو جاكمان، وأن أدلي إكساركوبولس والممثلة لوبيتا نيونج كانوا مرشحتان لأداء شخصية تايجر ليلي لكن الدور راح في النهاية لروتي مارا.. ومع استمرار عرض الفيلم في السينمات العالمية والمصرية هـ نعرف كثير من المعلومات والكواليس اللى عارفين أنها هـ تكون مختلفة ومتميزة.. زي الفيلم.