The Definitive Guide to Living in the Capital , Cairo , Egypt

أفلام
Rabbit School – Guardians of the Golden Egg

Rabbit School Guardians of the Golden Egg : فيلم ألماني مبهر

  • سنتا برجرفريدريك فون ثون...
  • ثلاثي الأبعادعائلي
  • إيت فون منشاو بول
  • في1 Cinema
تم التقييم بواسطة
Mohamed Hamdy
قيم
قيم الآن
Rabbit School Guardians of the Golden Egg : فيلم ألماني مبهر

يوم بعد يوم بنعرف أن مش هوليوود بس اللي محتكرة إنتاج الأفلام القوية، ده في دول تانية بتنتج أفلام كويسة جدًا وقادرة على المنافسة. لكن الأضواء مش بيتم تسليطها على الأفلام دي بالقدر الكافي، وفيلم Rabbit School Guardians of the Golden Egg من الأفلام الألمانية اللي تستحق الاهتمام وتسليط الضوء عليها.

القصة 

الفيلم بيحكي عن أرنب شقي اسمه ماكس، بيلاقي نفسه فجأة في مدرسة قديمة. هيتعلم فيها – بمساعدة الأرنبة إيمي – المهارات الخاصة بأرنب عيد الفصح. وده علشان يتصدى لعائلة من الذئاب، بتهدد البيضة الذهبية اللي المفروض يحميها.

فريق العمل

الفيلم من إخراج إيت فون مونشاو- بوهل، ومن تأليف كاتيا جروبل وداجمار راهبيندر. أما الأداء الصوتي لأدوار البطولة فكان من نصيب جيني ميلينا ويتز، وسينتا بيرجر وفردريك فون ثيون، وماكس بوجوث.

الألوان والتحريك

من أكتر الأمور اللي بنهتم بيها لما نتكلم عن فيلم أنيميشن بتكون التحريك. والمقصود به طريقة تحرك الشخصيات على الشاشة، ومدى انسيابها واحترافيتها في نفس الوقت. والحقيقة أن الفيلم قدر يحقق المعادلة الصعبة بين التحريك السريع للشخصيات، وفى نفس الوقت قدر ما يعملش تشتيت لعين المشاهد. أما الألوان فكانت كرنفال حقيقي. وألوان ثرية جدًا شوفناها على الشاشة، ودرجات مذهلة ومتنوعة من الألوان، خلت الفيلم بالكامل لوحة فنية جميلة. ونقدر نقول إن الألوان واختلافها وتنوعها كانوا أفضل ما في الفيلم.

الموسيقى والإخراج

موسيقى الفيلم كانت جميلة وراقية، لكن لم تكن عنصر من عناصر جذبنا وحثنا على المتابعة. وحسينا إنها لم تترك أثر في أذاننا بعد مشاهدة الفيلم. على الرغم من كونها موسيقى جميلة بحد ذاتها، لكن قوتها واستخدامها في الفيلم ماكانش بنفس قوة واستخدام الألوان والإبهار في العرض. وباقى العوامل اللي بنقيم الفيلم على أساسها.

أما إخراج الفيلم فلازم نشهد له بالكفاءة والقوة، والقدرة على إبهار المشاهدين وإسعادهم سواء كانوا كبار أو صغار.

الخلاصة

نتمنى السينمات المصرية تتيح لنا فرص أكبر، لمشاهدة أفلام من دول وثقافات مختلفة غير هوليوود. وده يكون بشكل أوسع ومش مقتصر على سينمات محددة زي سينما زاوية.

علشان تبقى عارف: تقييم الفيلم على موقع IMDB 7.3 من 10

عجبك ؟ جرب

عجبك شوف: Toy story

نصيحة 360

الفيلم ترشح لجائزة الدب الكريستال كأحسن فيلم في مهرجان برلين السينمائي.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح