-
ريتشارد أرميتاجمارتن فريمان...
-
حركة ومغامراتفانتازيا
-
بيتر جاكسونبيتر جاكسون
-
في1 Cinema
Mohamed Hamdy
أحداث الفيلم بـ تدور قبل ثلاثية “ملك الخواتم”، (مارتن فريمان) بـ يعيش حياة هادئة لحد ما ييجي له (إيان ماكيلين) الساحر مصطحبًا عدد من الأقزام ليدخل (مارتن فريمان) بشكل ما في مغامرات تتطلب التغلب على تنين ضخم ومحاربة وحوش وخوض معارك كثيرة، لحد ما يصل فى النهاية للخاتم اللي بـ يدور حوله محور أحداث سلسلة مملكة الخواتم.
الموسيقى التصويرية عادة بـ تلعب دور مهم فى النوعية دى من الأفلام، لكن المستوى الرائع اللى وصلت له فى الفيلم بـ يأخذ فن الموسيقى التصويرية لآفاق جديدة تخلينا مجبرين ندور على الموسيقى الأصلية على النت ونسمعها مرات بعد مرات بلا ملل، وما نقدرش نعتبر الموسيقى عامل غير مؤثر فى فيلم زى ده.
كثير من الأحداث مش مفهومة بنسبة 100% خلال الفيلم، وده منطقى لأنه مكون من ثلاثة أجزاء هـ تحتاج منك تركيز شديد، بالإضافة إلى أن المفروض فيه جزئين كمان للفيلم، يعنى هـ نستنى تقريبًا إلى 2014 علشان نعرف أجوبة أكيدة ونهائية على كل الأسئلة اللى دارت فى ذهننا أثناء العرض.
فى النهاية، إحنا لازم نفتح صندوق جراحنا المؤلم.. لو ده مستوى الإنتاج والإخراج، وده أسلوب التأليف والموسيقى، السؤال اللى بـ نطرحه وعاوزين نعرف إجابتكم فى التعليقات: بعد كام سنة ضوئية ممكن نشوف فيلم عربى بالمستوى ده؟ الإجابة مش هـ تكون فى صالحنا للأسف، لكن عندنا العشم باستمرار فى صناعة السينما أنها تقوم من كبوتها ونقدر نتفرج على منتج سينمائى مصرى محترم ننافس به العالم.