The Definitive Guide to Living in the Capital , Cairo , Egypt

أفلام
The Loft

The Loft: إثارة وتشويق بلا حدود

  • إيريك ستونستريتجيمس ماردسن...
  • غموض وتشويق
  • إيريك فان لويإيريك فان لوي
  • في1 Cinema
تم التقييم بواسطة
Mohamed Hamdy
قيم
قيم الآن
The Loft: إثارة وتشويق بلا حدود

لو اتفق مجموعة من الزوجات على عمل فيلم يخوف الرجالة من الخيانة الزوجية، The Loft هـ يكون الفيلم المثالى اللى هـ يخرجوا به فى النهاية، لأنه فيلم بـ يخلى أى رجل يفكر ألف مرة قبل ما يُقدم على فكرة خيانة زوجته.

المخرج إريك فان لوي قدر أنه يقدم فيلم إثارة وتشويق بـ يحكي عن 5 أزواج بـ يشتروا شقة سرية يمارسوا فيها خياناتهم لزوجاتهم بعيدًا عن رصدهن، إلا أنهم بـ يتواجهوا بجثة مجهولة فى الشقة فى أحد الأيام، وبـ تبدأ الشكوك تلعب لعبتها مع الجميع، مين اللى ممكن يكون قتل البنت؟ وليه؟ ومين يعرف سر الشقة غيرهم؟ ومين من مصلحته يدمرهم؟! كل الأسئلة دي بـ يجاوب عليها الفيلم من خلال أحداث غاية فى الإثارة والتشويق، وبـ تضمن للمشاهد أنه يفضل مهتم ومتابع للأحداث من البداية للنهاية بدون ملل.

الأداء التمثيلي للأبطال جيمس مارسدن وكارل أوربان وباقى الممثلين كان متميز، وطبعًا على رأسهم وينتوورث ميلر اللى عمل شخصية هارب من السجن فى مسلسل Prison Break  الشهير واللى قدر المرة دي يخرج من جلده تمامًا ويقدم دور جديد عليه.

الموسيقى التصويرية والديكور كان لهم أثر كبير على دخولنا فى جو الأحداث.. ديكورات الشقة اللى بـ تدور فيها الأحداث كانت قوية ومتماشية مع الأحداث، وتم الاهتمام بتفاصيلها بدقة شديدة وإظهارها بشكل يعكس التطور الزمني فى الأحداث، أما الموسيقى التصويرية فكانت جديدة ومؤثرة، لكن مش بنفس درجة الديكورات.

الفيلم مأخوذ عن فيلم بلجيكي بنفس الاسم، الحقيقة إحنا ما شوفناش الفيلم البلجيكي، لكن النسخة الهوليوودية بـ تشجعنا بشدة أننا نبحث عنه ونشوفه، وأكيد بـ نرشح الفيلم للمشاهدة لأى زوجة خايفة أن زوجها يخونها.. بس فى الحالة دي لازم يتفرج معاها على الفيلم علشان ما يفكرش يعمل حاجة زي دي.

عجبك ؟ جرب

The First Wives Club (1996).

نصيحة 360

الفيلم يعتبر "للكبار فقط" على الرغم من تدقيق الرقابة وعدم كتابة ملحوظة على أفيش الفيلم، لكن على الأقل هو ده تقييمنا.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح