The Definitive Guide to Living in the Capital , Cairo , Egypt

الأفلام الكوميدية اللى بـ تتكلم عن عالم الأفراح والليالى الملاح لا تعد ولا تحصى، والحقيقة أن هوليوود قدرت تقدم عدد لا ينتهي من التنويعات على الموضوع ده، ربما  للسبب ده ما حسيناش أن The Wedding Ringer قدم جديد فى المجال ده، على الرغم من بعض المشاهد الكوميدية القوية.

دوج هاريس شاب مقبل على الزواج من جريتشن البنت الجميلة اللى بـ تنحدر من عائلة أرستقراطية، لكن دوج (جوش جاد) بـ يعاني من مشكلة كبيرة، وهى أن ما عندوش أصدقاء رجال يقدروا يكونوا الـ Best man له خلال الفرح زي ما بـ تقول التقاليد الاجتماعية الأمريكية، ومن هنا بـ تنشأ العقدة الأساسية فى الفيلم.

جيمي كالاهان هو الشخص المثالى اللى بـ يلجأ له أمثال هاريس مقابل المال، كالاهان (كيفن هارت) بـ يتدبر مجموعة من الرجال للعب دور الأصدقاء المخلصين، الأمر اللى بـ يتحول لعاصفة من الكوميديا خصوصًا مع زيارة الصديقين الوهميين لمنزل الأسرة لتناول الغذاء.

الأداء التمثيلي للأبطال كان جيد.. فقط جيد.. ما نقدرش نقول أنه كان ممتاز، وفى نفس الوقت نكون ظالمين لو قلنا أنه كان ضعيف جدًا، لكن الديكورات كانت قوية ومتميزة على العكس من الموسيقى التصويرية اللى كانت ضعيفة وغير مؤثرة فى الأحداث.

كيفن هارت على الرغم من قوة أداؤه، إلا أننا كنا محتاجين نشوف له مزيد من الكوميديا القائمة على المواقف أكثر من الإيفيهات وأسلوب الكلام السريع، على العكس من جوش جاد واللى قدر يقوم بدوره بشكل قوي وخصوصًا مشهد غناء الأغنية عن "جوز الهند والمخدرات" واللى أثار ضحك الجمهور على الرغم من تكرار استعمال الأغنية أكثر من مرة.

 The Wedding Ringerمش أفضل فيلم كوميدي شوفناه، لكن فى ظل الأحداث السياسية والاجتماعية الصعبة أى فيلم كوميدي هـ يكون محل ترحيب.. حتى لو كان مستواه مش قد كده.