The Definitive Guide to Living in the Capital , Cairo , Egypt

يبدو أن هوليود قررت تستغل النجاح الكبير اللى بـ تحققه
بعض الكتب فى تحويلها لأفلام مضمونة النجاح والجمهور. المعادلة المضمونة دى كسبت
فىWhat to expect when you’re expecting، والواضح أنها هـ تحقق نفس النجاح
المضمون فى فيلم Think like a man.

الفيلم بـ يحكى عن أربع سيدات بـ يقرروا يستعملوا نصائح
الكاتب ستيف هارفى للتعامل مع أزواجهم وأحبائهم من الرجال، إلا أن الرجال بـ يكتشفوا
الخدعة وبـ يقرروا يستعملوا نفس النصائح علشان يقلبوا الترابيزة على اللى بـ يحاولوا
يخدعوهم.

الإطار الكوميدى للأحداث كان مجرد ستار لتوجية النصائح
للنساء والرجال بخصوص علاقتهم مع الآخر، وده شىء جميل، لأننا بـ نزهق من الأساليب
المباشرة فى النصح وبـ نعتبرها أسلوب من أساليب التعالى، وممكن فى الحالة دى
نرفضها، أما لو تم خلطها فى إطار درامى كوميدى أكيد الأمور بـ تختلف.

أما لو كنت من اللى بـ يفضلوا الأسلوب المباشر فى
النصيحة أكثر من مشهد بـ يظهر فيهم ستيف هارفى شخصيًا وبـ يوجه النصيحة بشكل مباشر
لكل الـ (Couples) فى حل يرضى كل الأطراف من المخرج تيم ستورى، إلا أنه
كان سبب لكثير من التشويش فى بعض الأحيان.

الفيلم بـ يحاول يقدم كل أنماط الشخصيات سواء المرفهة،
أو صاحب العيون الزائغة، أو المتردد وأخيرًا الرومانسى.

أما البنات فبـ نلاقيهم كلهم بـ يسعوا أنهم يعرفوا الرجل
الكامل اللى هـ يوفر لهم كل اللى هـ يحتاجوه على كافة الأصعدة المادية أو العاطفية.

الجميل فى الفيلم أنه بـ يقدم للمشاهد العربى والمصرى
شكل جديد للعلاقة بين الرجل والمرأة، يعنى بـ نشوف لأول مرة إزاى تهتم الست أنها
تلفت انتباه حبيبها وتحافظ عليه، وفى نفس الوقت بـ نكتشف أهمية المرأة فى حياة
الشباب أبطال الفيلم، بشكل عام الفيلم بـ يقدم رسالة مفادها أننا المفروض نحترم
ونتبادل الحب وما ينفعش جانب يستأثر بالحب وإلا مش هـ يحس بأى نوع من السعادة.