-
آنا هاتشيسونتاليثا بيتمان...
-
حركة ومغامرات
-
جوني مارتن
-
في1 Cinema
Mohamed Hamdy
على الرغم من ضعف المستوى الفني للأفلام اللي بيقدمها مؤخرًا، إلا أننا بنشجع في نيكولاس كيدج رغبته في تقديم أفلام فكرتها مختلفة، وبحثه وعمله الدائم على نفسه علشان يكون أفضل وأقوى.. وإحنا فاكرين كويس نيكولاس كيدج المهرول على سجادة الأوسكار علشان يحصل على جائزة أفضل ممثل عن فيلم Leaving Las Vegas في التسعينيات، والكلمة الضعيفة اللي ألقاها وقتها، ومن بعدها وكيدج بيحصد النجاح فيلم بعد فيلم.
لكن مؤخرًا كيدج انحدر في سلسلة أفلام ضعيفة ودون المستوى، وكان من الواضح أن النجم الكبير مش قادر يختار أفلام بذكاء وحرفية زي ما كان بيعمل الأول.
القصة
الفيلم بيحكي عن واحدة بتتعرض للاعتداء الجنسي بعد حفلة صاخبة، ولما بيكتشف أحد جنود حرب الخليج أن القانون الوضعي مش هيقدر يجيب لها حقها، بياخد هو على عاتقه إنه ينتقم بنفسه من اللي اغتصبوها بدم بارد. ومن هنا بتبدأ سلسلة من عمليات المطاردة والانتقام في التهام الجانب الأكبر من وقت الفيلم.
فريق العمل
فيلم Vengeance: A Love Story من إخراج جوني مارتن، ومن تأليف سكوت وايندهاوزر، وبيشارك نيكولاس كيدج البطولة دون جونسون وديبورا كارا أونجير مع نيكول باريه وتاليثا بيتمان.
السيناريو والحوار والتمثيل
للأسف لم يكن هناك أي جديد على مستوى السيناريو والحوار. لأن القصة نفسها كانت غير جديدة ومستهلكة، ويمكن كيدج كان قاصد كده لأنه كان في حاجة لحبكة مضمونة النجاح علشان يحاول يقف على أقدامه من جديد وسط عالم من الفنانين الشباب والجدد والأفلام ضخمة الميزانية واللي أصبحت بتغزو هوليوود في الوقت الحالي.
أما عن الأداء التمثيلي فعلى الرغم من تقليدية القصة واعتمادها على أنماط محفوظة إلا أن الأداء التمثيلي قدر يحافظ على الحد الأدني من شعورنا كمشاهدين بالمتعة وانتظار الجديد. وده يحسب لكل القائمين على الأدوار الرئيسية في الفيلم وعلى رأسهم نيكولاس كيدج طبعًا.
الموسيقى والديكور
موسيقى الفيلم كانت جيدة جدًا، وقدرت تنقلنا للأحداث بقوة وسلاسة في نفس الوقت، على العكس من الديكورات اللي كانت محتاجة تكون أقوى، واللي جعلتنا نشعر بحالة من الاستسهال في صناعة الفيلم وتصويره.
الخلاصة
فيلم Vengeance: A Love Story فيلم تقليدي بقصة مكررة، لكنه في النهاية بيقدم أداء تمثيلي مُرضي ومحاولة جديدة من نيكولاس كيدج للعودة للصدارة.
علشان تبقى عارف: نيكولاس كيدج كان عاوز يخرج الفيلم بنفسه، لكنه في النهاية قرر الاكتفاء بالقيام بدور البطولة.