The Definitive Guide to Living in the Capital , Cairo , Egypt

أفلام
Victor Frankenstein

Victor Frankenstein: الصراع بين الدين والعلم

  • أندرو سكوتجيسيكا براون فيندلي...
  • غموض وتشويقفانتازيا
  • بول ماكيجانبول ماكيجان
  • في1 Cinema
تم التقييم بواسطة
Mohamed Hamdy
قيم
قيم الآن
Victor Frankenstein: الصراع بين الدين والعلم

قصة (فرانكشتاين) العالم المجنون اللى بـ يحاول يخلق الروح فى الجمادات، فى واقع الأمر تعتبر قصة مش جديدة، بالعكس فيه أكثر من فيلم وأكثر من محاولة لتقديم الشخصية على الشاشة، آخرها هو الفيلم اللى شوفناه واللى نقدر نعتبره أول محاولة خروج حقيقية عن الإطار العام للقصة وتقديم شخصيات جديدة وإعادة تقديم للفيلم من جديد.

الفيلم من إخراج بول ماكجيجان وبطولة دانيال رادكليف وجيمس ماكافوي وسبينسر ويلدينج وبرونسون ويب وبـ يحكي عن قصة العالم المجنون فرانكشتاين والمهووس بالقدرة على الخلود وبث الروح فى الأشياء، الأمر اللى بـ يخليه يحاول يعيد الروح لكائن مسخ جمعه من خلال أجزاء من حيوانات وبشر ماتوا من قبل كده.

فى سبيل إنجاز هدفه الغريب بـ يضطر فيكتور للتعاون مع مسخ من السيرك.. شاب صغير السن أحدب الظهر، لكن كان عنده معلومات كثير عن الطب بحكم حبه للقراءة، الأمر اللى خلاه يقدر يساعد زميلته فى السيرك لما وقعت فى أحد الألعاب الخطرة اللى بـ تقدمها.

فيكتور فرانكشتاين بـ يساعد إيجور على تجاوز مشاكله الشخصية وبـ يشفيه من إنحناء الظهر اللى عنده، وبـ يبدأ الاثنين فى تنفيذ المشروع الغريب بتاعهم واللى بـ يوصل فى النهاية أنه يـ…. مش عاوزين نحرق عليكم الأحداث أكثر من كده لأن الفيلم يستحق المشاهدة.

الجميل فى الفيلم هو قدرته على نقلنا للمنطقة الزمنية اللى بـ يحكي عنها الفيلم، بداية من الشوارع وأماكن التجمع وحتى المعامل أو قاعات الدراسة والجامعات، كما أن الفيلم يحسب له كمان قدرته على تقديم مشاهد الخداع البصري والجرافيك بأفضل ما يكون وخاصة فى الربع الأخير منه.

الأداء التمثيلي للأبطال كان قوي خاصة دانيال رادكليف واللى كلنا فاكرينه من سلسلة أفلام "هاري بوتر" واللى لسه شهرتها مستمرة لحد اليوم.

الموسيقى التصويرية كانت جيدة لكن ما كانتش قوتها متناسبة مع جودة الفيلم ومع الجو العام للأحداث، على الرغم من تميز الديكورات زى ما قولنا وقدرتها على إعادتنا بالزمن للخلف.

Victor Frankenstein إعادة تقديم جيدة لفيلم قديم، نعتقد أنها هـ تشجع صناع الأفلام على إعادة تقديم الرواية بأشكال مختلفة وتنويعات جديرة بالمشاهدة والمتابعة.

عجبك ؟ جرب

نفس الفيلم بنفس الاسم إنتاج سنة 1993.

نصيحة 360

كاتبة الرواية الأصلية اسمها "ماري شيلي" كانت من مناصرات حقوق المرأة فى عصرها وتوفيت سنة 1851 أثناء ولادتها لابنتها.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح