The Definitive Guide to Living in the Capital , Cairo , Egypt

تعرفوا أن هرمون الأدرينالين هو ناقل عصبي بينتج في الخلايا الكروم اللي موجودة فوق الكلية؟! ولما يزيد نبض القلب وانقباض الأوعية الدموية يبقى ده هرمون الأدرينالين، ومن أهم أسباب زيادة الأدرينالين في الجسم “الرياضة” واللي كمان بتزود هرمون السعادة.. وبمناسبة الكلام عن الأدرينالين.. هنقول لكم كل اللي محتاجين تعرفوه عن مكان المغامرة Adventure Park، واللي أكيد هتستمتعوا بأجواء المغامرات فيه.

 

Adventure Park هو مكان مخصص للتحدي والمغامرة والضحك واللعب والحب، لأنه فيه ألعاب كتير متميزة وبتخليكم تبقوا تيم واحد على قلب واحد، ومن الألعاب المميزة عندهم Climbing وHigh Ropes وTrampolineو The Mazeوكرة القدم وتصادم السيارات.

الجميل في المكان إنكم تقدروا تلعبوا الألعاب مع أطفالكم لأن فيه ألعاب كتير للتحدي والمغامرة مناسبة للكبار مع الأطفال.

أما الأسعار في المكان فبتكون من سن 3 سنين لـ7 سنين بسعر 210 جنيه، ٣ ألعاب inflatables games، ومرتين للمركب، وترامبولين وقت مفتوح، وتلوين على الجبس، ووقت مفتوح في ملعب foot park، وبيكون فيه تذكرة 75 جنيه للمرافق.

أما سن من 8 سنوات حتى 12 سنة، فسعر التذكرة 295 جنيه، وتقدروا تستفيدوا بألعاب لمرة واحدة “هايروب – متاهة” ومرتين لحائط التسلق و3 ألعاب inflatables games ووقت مفتوح لملعب foot park .

والسن أكبر من 12 سنة فسعر التذكرة 195 جنيه، وبتحتوي على لعب هايروب ولعبة Carnival مرة واحدة، ولعب تسلق الحائط والمتاهة مرتين، ولعبة ترامبولين ولعبة Foot Park وقت مفتوح.

Adventure Park بيشتغلوا يوميًا من 1ظهرًا حتى 10 مساءً، وتقدروا تستفسروا عن التفاصيل من خلال رقم واتس آب 01007999901.

العنوان: مدينة الرحاب – بجوار بوابة رقم 13 لنادي الرحاب – دخول من بوابه 19 /6 الرحاب.

ولو عاوزين تعرفوا أكتر تقدروا زوروا صفحتهم على فيسبوك من هنا.