The Definitive Guide to Living in the Capital , Cairo , Egypt

سواء كنت من سكان القاهرة أو حتى هتزورها لفترة مؤقتة، فيه تطبيقات خدمية مفيدة هتخلي حياتك أسهل في العاصمة المصرية.. في الموضوع ده هنعرفكم على 4 من أفضل التطبيقات الخدمية.

1 – فيكساوي  Fixawy

تطبيق بتصميم بسيط بيقدم خدماته في القاهرة وبعض المحافظات التانية، والهدف الأساسي منه هو توفير فنيين لحرف مختلفة زي فني الألوميتال وفني الدش والرخام والجرانيت وفني الأجهزة المنزلية والنجارة وغيرها.

ولطلب خدمة بتقوم بتحديد مدينتك ثم منطقتك السكنية، وبتختار الحرفة اللي أنت محتاجها، وهيعرض لك التطبيق جميع الفنيين وتقييماتهم وأراء العملاء السابقين فيهم مع بعض المعلومات المفيدة عنهم، مع تحديد قيمة مصاريف المعاينة.

تحميل تطبيق فيكساوي  Andoid | iOS

2 – فيزيتا  Vezeeta

تطبيق فيزيتا هو تطبيق لحجز ميعاد في عيادة الطبيب أونلاين، ميزته أنه بيخليك تقيم زيارتك ومدى كفاءة الطبيب ومدى نجاح علاجه.

التطبيق بيوفر لك معلومات عن المواعيد المتاحة وموقع عيادة الدكتور وهتقدر تختار الطبيب حسب التخصص والمنطقة السكنية الأقرب ليك.

ولو كان تأمينك الصحي تابع لشركة تأمين معينة هتقدر تختار عيادة بتتعامل مع تلك الشركة دي تحديدًا من خلال تصفية نتائج البحث.

تحميل تطبيق فيزيتا  Android | iOS

3 – يداوي  Yodawy

يداوي واحد من أفضل تطبيقات توصيل طلبات الأدوية لحد باب البيت في مصر، ومعاه مش هتحتاج تنزل للصيدلية خالص.

التطبيق بيخليك تبحث عن الدواء أو المنتج في التطبيق نفسه، وبعدها بيقوم هو بالبحث في جميع الصيدليات القريبة منك مرة واحدة، وسيظهر لك توافره من عدمه، وسعره.

تحميل تطبيق يداوي  Android | iOS

 

4 – سويفل  SWVL

بيستهدف تطبيق سويفل النقل الجماعي، وهو حل أرخص بكثير من طلب عربية خاصة وخصوصًا في المسافات الطويلة، وبيقدم سعر ثابت لكل خط من الخطوط التي بتغطيها الخدمة.

ولطلب سويفل هتحدد مكانك أولًا على الخريطة، ثم هتحدد المكان المراد الذهاب إليه، بعدها هتلاقي التطبيق بيظهر لك جميع الرحلات المتاحة اللي تقدر تحجز من بينها ومواعيد الرحلات دي مع بيان ميعاد الوصول التقريبي.

تحميل تطبيق سويفل  Android | iOS