The Definitive Guide to Living in the Capital , Cairo , Egypt

الحفلات والأنشطة الثقافية من الحاجات الجميلة اللي بتحصل في القاهرة بدون توقف، وأجمل حاجة إن الأنشطة دي بعضها بيورينا ثقافات مختلفة من كل العالم، وإحنا في كايرو 360 بنشجعكم دايمًا على الخروج والاستمتاع بكل اللي بيحصل في العاصمة.

عيد الموسيقى من الحاجات اللي هتحصل قريب في القاهرة، وده عبارة عن احتفالية بيقدمها المعهد الفرنسي والسفارة الفرنسية في مصر، بالشراكة مع السفارة السويسرية.. عيد الموسيقى هيتعمل في حديقة الأزهر يوم 17 يونيو الجاري.

عيد الموسيقى اتعمل لأول مرة في فرنسا في 21 يونيو 1982. كان تجمع شعبى حوالين مباديء دولية، وهي: حرية التعبير، والابتكار، والسعادة، والأمل. وبعد نجاحه الكبير تخطى حدود فرنسا، وبقى عيد بيتم الاحتفال به في 120 دولة.

البرنامج:

7:30 مساءً: بدء التجمع عند مدخل الحديقة.

8 مساءً: حفلة “مدرسة الدرب الأحمر”. وبعدها “أوسكاريزما”.

9 مساءً: حفلة “إيجيبشن بروجيكت”

10:15 مساءً: ميعاد الإيقاعات الغجرية الصاخبة لفرقة “لاكارافان باس”.

11 مساءً: فاصل موسيقي، هيقدمه الفنان “جون جريفز”.

11:45 مساءً: حفلة الموسيقار “فتحي سلامة”، وفريق “الأحلام”.