The Definitive Guide to Living in the Capital , Cairo , Egypt

الحياة في كايرو

أول كافيه للعلوم في القاهرة.. قعدة ومشروب ومعلومة

أسبوع العلوم المصري 2018
أول كافيه للعلوم في القاهرة.. قعدة ومشروب ومعلومة
بواسطة
Cairo 360

يوم السبت اللي فات 10 مارس استقبل كافيه سيلانترو المهندسين أول حدث علمي من نوعه في القاهرة، وهو مقهى العلوم، واللي بينظمه مشروع أسبوع العلوم المصري 2018.

حضر الحدث ده عشرات المهتمين بالعلم، والعالم د. هشام سلام، مكتشف الديناصور المصرى، «منصوراصورس»، واللي عمل محاضرة علمية ممتعة عن الديناصورات.

بيحكي محمود عبدالحى، المدير التنفيذى لأسبوع العلوم المصرى 2018، عن الفكرة وبيقول إن المقهى العلمى الناس اتعودت انها تسمع عنه في بريطانيا وألمانيا وإنجلترا، لكن السنة دي إحنا حابين ننزل بفكرة جديدة للناس، كان ممكن تحضر أي حدث علمى في جامعة، أو مدرسة، أو كورس، بس النهارده تقدر تدخل كافيه عادى جدًا، متعود تروحه في أي وقت، وتشرب حاجة فيه، هتسمع محاضرة علمية من أمتع المحاضرات اللى ممكن تسمعها.

أسبوع العلوم المصري 2018 هيكرر نفس الفكرة في كافيهات أكتر في القاهرة وفي كل محافظات مصر، وعلشان تعرفوا مواعيد المقهى العلمي ادخلوا على اللينك ده

 

مقترح