اتعرفوا على مواعيد العمل المسائية لـ 3 من متاحف القاهرة
المتحف المصري بالتحرير المواعيد المسائية للمتاحف متحف الفن الإسلامي متحف جاير - أندرسون
Cairo 360
الصورة الرئيسية تصوير: عصام محمد
لو كنتم من عشاق ليل القاهرة يبقى أكيد هتنسبطوا لما تعرفوا إن بعض متاحف العاصمة بتفتح أبوابها في المساء لعشاق الآثار والفنون، وده اللي أعلنه مؤخرًا مؤمن عثمان، رئيس قطاع المتاحف بوزارة السياحة والآثار، واللي أكد في تصريحات إعلامية إن فيه توجه داخل القطاع لفتح المتاحف المصرية في المساء، وإن بعض المتاحف بالفعل بتطبق ده حاليًا.
وبحسب “عثمان” بداية تنفيذ الفكرة دي كانت في المتحف المصري في التحرير، واللي بيفتح أبوابه حاليًا يومين في الأسبوع فترة مسائية وهما الأحد والخميس من الساعة 5 ولحد الساعة 9 مساءً.
كمان متحف الفن الإسلامي بيفتح حاليًا أبوابه مساء يوم السبت من كل أسبوع من الساعة 5 ولحد الساعة 9 مساءً.
ومؤخرًا أكد رئيس قطاع المتاحف بوزارة السياحة والآثار، إن التجربة انتقلت كمان لمتحف جاير أندرسون، واللي بيستقبل حاليًا زواره مساء كل يوم خميس من الساعة 5 ولحد الساعة 9 مساءً.
وأكد “عثمان” إن المتاحف بتعمل بشكل طبيعي ومنتظم في الفترة الصباحية طوال أيام الأسبوع من الساعة 9 الصبح ولحد الساعة 5 العصر.
ومبادرة فتح المتاحف ليلًا سببها هو رغبة الجمهور اللي بيفضل قطاع كبير منه الزيارات الليلية.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
