The Definitive Guide to Living in the Capital , Cairo , Egypt

وهو فيه أجمل من الورد؟ الألوان المبهرة، المبهجة؟ الريحة الجميلة؟ الرسايل المختلفة اللي كل وردة بتبعتها لكل حد بنحبه؟ علشان كده كان لازم ندور لكم على أفضل المحلات اللي بتبيع ورد في القاهرة.

جوائز اختيارات المحررين لأفضل أماكن بيع الورد لعام 2018:

بوكس أوف روزيز – Box of Roses:

المحل فيه تشكيلات جميلة ومبهرة، تناسب أذواق مختلفة. بالإضافة لعمل باقات ورد حسب اختيار العميل، ومساعدته في اختيار أفضل شكل لها.

ماي فلاور – May Flower:

لو عندك مناسبة زي فرح أو حفلة استقبال أو غيرهم، ماي فلاور هايخليك ماتشيلش هم أي تصميم أو شكل أنت عايز تنفذه. وهيقدم لك الحاجة اللي تناسبك.

أوتسايد إن – OutSide In: 

بعد انتشار موضة الورد الصناعي اللي تقريبًا كان موجود على كل ترابيزة سفرة في بيت مصري في الثمانينات، وكل الأجيال الجديدة عندها فكرة سلبية عن الورد الصناعي. أوتسايد إن بيقدم مفهوم مختلف تمامًا بمجموعة كبيرة من الورود الصناعية المطابقة للحقيقية، وكمان معطرة.

خضرة – Khadra:

مكان لمحبي هواية تنسيق الحدائق، لأنهم بيبيعوا كل ما يتعلق بالهواية دي؛ من أول الأشجار والأعشاب، حتى الفاكهة والخضروات.