The Definitive Guide to Living in the Capital , Cairo , Egypt

الصورة الرئيسية تصميم: Matthew Cook

شائعات كتير انتشرت مؤخرًا على وسائل التواصل الاجتماعي بتقول إن سعر تذكرة دخول المتحف المصري الكبير بعد افتتاحه هتكون بـ 500 جنيه للمصريين، لكن هل فعلًا الكلام ده سليم؟ تعالوا نعرف الحقيقة مع بعض.

مؤخرًا نفى المركز الإعلامي لمجلس الوزراء، كل الأنباء اللي انتشرت بخصوص تحديد سعر تذكرة المتحف المصري الكبير بـ 500 جنيه للمواطن المصري.

ومن جانبها نفت وزارة السياحة والآثار صحة الأنباء دي، مؤكدة إن أسعار التذاكر هيتم طرحها بقيم رمزية زي ما سبق وأعلنت الوزارة قبل كده.

وبحسب وزارة وزارة السياحة والآثار تم تحديد سعر تذكرة الدخول لقاعات العرض الرئيسية بقيمة 30 جنيه، و50 جنيه لقاعات عرض مقتنيات الملك توت غنخ آمون.

كمان تم تحديد سعر التذكرة الشاملة لكل من قاعات العرض الرئيسية وتوت غنخ آمون بقيمة 60 جنيه بس للمواطن المصري، وتحديد سعر التذكرة للطلاب المصريين والعرب بقيمة 30 جنيه، وده بهدف إتاحة الفرصة لكل المواطنين للدخول للصرح الحضاري العالمي الجديد.

جدير بالذكر إن المتحف المصري الكبير هيتم افتتاحه رسميًا السنة دي 2020، وهيتعمله حفل افتتاح كبير هيحضره رؤساء وملوك وشخصيات مهمة من كل العالم.