The Definitive Guide to Living in the Capital , Cairo , Egypt

خبر هيفرح كل الناس اللي مهتمة بالبيئة وبإن كوكب الأرض يكون أجمل، النائبة أنيسة حسونة، عضو مجلس النواب، اتقدمت بطلب رسمي موجه لرئيس مجلس الوزراء ووزيري البيئة والصناعة، بخصوص إلغاء استخدام الأكياس البلاستيك في مصر واستبدالها بمواد صديقة للبيئة، بحسب بيان للنائبة نشره موقع الأهرام.

وقالت النائبة، إن مصر بتستهلك 12 مليار كيس بلاستيك سنويًا، بتكلفة حوالى 12 مليار جنيه، وإن ده بيمثل أزمة بيئية ده غير الخسائر الاقتصادية الكبيرة، خاصة أن أغلب الخامات بيتم استيرادها من الخارج.

وأكدت النائبة إن الأكياس البلاستيك مضرة جدًا، لأنها غير قابلة للتدوير وبتستغرق مئات السنين علشان تتحلل وتنتهى كميات منها فى البحار والأنهار وده بيعرض الكائنات المائية للموت.

كمان قالت النائبة إن حرق الأكياس دي بيؤدى بانبعاث جسيمات وغازات سامة بتؤثر بالسلب على الغلاف الجوى وبتدمر صحة الإنسان، ده غير إنه بيدخل فى تصنيعها مشتقات شديدة الخطورة بتتفاعل مع المواد الغذائية، وبتؤثر بالسلب على صحة المواطنين.

وطالبت النائبة أنيسة حسونة باستخدام بدائل للشنط البلاستيكية، زي الورق والأكياس الصديقة للبيئة المصنوعة من القماش.