The Definitive Guide to Living in the Capital , Cairo , Egypt

نشر الدكتور مجدي يعقوب، أستاذ جراحة القلب، رسالة لكل المصريين، من خلال فيديو نشر على قناة مؤسسة مجدي يعقوب للقلب، وضح فيها خوفه من زيادة انتشار فيروس كورونا المستجد في مصر، زي ما حصل في دول كتير، واعتبر إنه لو حصل هيكون فيه وفيات كتير، وده معناه فقد أصدقاءنا وأولادنا ووالدينا، ووصف ده بإنها “حاجة محزنة جدًا”.

السير “مجدي يعقوب” قال كمان في الفيديو إننا لازم نشتغل مع بعض، علشان نقدر نمنع معضلة كبيرة جدًا ممكن تحصل، وطلب مننا نسمع تعليمات ونصائح الحكومة المصرية، ومنظمة الصحة العالمية، وإنه مهم نسمع نصائح من جهات معروفة ونشتغل على علم خاصةً وسط إشاعات كتير غلط بخصوص التعقيم والوقاية.

ووصف دكتور مجدي يعقوب مصر بإنها بلد عريقة، وبقالها آلاف السنين، ومرت بمحن كتير وتخطتها، وبالطرق العلمية هنعدي من المحنة دي، وهنتغلب على معضلة فيروس كورونا لو اشتغلنا مع بعض من دلوقتي.

وطلب في نهاية الفيديو من المصريين إنهم يقعدوا في البيت لإن ده مهم جدًا في منع انتشار الفيروس وإصابة حالات، وفي نفس الوقت بيدي فرصة للمرضى في المستشفيات إنهم يتعالجوا.