The Definitive Guide to Living in the Capital , Cairo , Egypt

مساء الفل والورد والياسمين. بنبدأ أسبوع جديد وبنقرب معاه من نهاية شهر يناير. ومن بداية لنهاية بتفضل دايمًا أجندة كايرو 360 مستمرة وموجودة. أو زي ما بيقولوا “يا جبل ما يهزك ريح”. تعالوا نشوف فيها إيه النهارده:

ضمن مبادرة “أحلى بلد بلدي” بيحيي النجم الكبير مدحت صالح حفلة على المسرح الكبير في دار الأوبرا المصرية. وبقيادة المايسترو عمرو سليم. الحفلة هتبدأ الساعة 8 مساءً. وسعر التذكرة: 150 – 200 – 300 – 400 – 500 جنيه.

مساحة رووم في جاردن سيتي هتعرض فيلم “Taxi Driver”، للمخرج مارتن سكورسيزي، والنجم روبرت دينيرو. واللي بيدور عن سائق تاكسي بيتورط في عالم المخدرات وتجارة السلاح. العرض هيبدأ الساعة 8 مساءً. وفي حد أدنى للطلبات: 35 جنيه.

أما علبة ألوان في الزمالك هتعرض فيلم “The Good, the Bad and the Ugly” للنجم كلينت إستوود. واللي بتدور أحداثه عن صراع بين ثلاثة رجال خلال الحرب الأهلية الأمريكية، علشان يلاقوا ثروة مدفونة من الذهب الخاص بالحكومة. العرض هيبدأ الساعة 7 مساءً. وفي حد أدنى للطلبات: 50 جنيه.

ماتنسوش، أهم حاجة درجة الانبساط تبقى عالية.