الحياة في كايرو
النهارده في القاهرة: أحلى الأناشيد والأغاني وأجمل أفلام
بواسطة
Cairo 360
بسرعة ومن غير تضييع وقت، تعالوا نعرف سهرتنا فين النهارده. من أجندة كايرو 360:
أجمل الأناشيد الدينية والمديح، هنسمعها من فرقة “الحور“. اللي هتحيي حفلة إنشاد، في قاعة الحكمة في ساقية الصاوي. الحفلة هتبدأ الساعة 8 مساءً. وسعر التذكرة: 30 جنيه.
درب 1718 هيعرض فيلم “موج“. الفيلم بيدور عن بداية الثورة المصرية في مدينة السويس، ومراحلها المختلفة. العرض هيبدأ الساعة 8 مساءً. والدخول مجانًا.
هانيا فنصة هتقدم حفلة غنائية في مساحة باب 18 في مصر الجديدة. الحفلة هتبدأ الساعة 8 مساءً. وسعر التذكرة: 50 جنيه.
أما رووم آرت سبيس هتعرض فيلم “The Wall“. وهو فيلم موسيقي، مبني على ألبوم “بينك فلويد”، اللي صدر سنة 1979. العرض هيبدأ الساعة 8:30 مساءً. وسعر التذكرة: 35 جنيه.
يومكم بيضحك.