الحياة في كايرو
النهارده في القاهرة: أغاني الروك بالعربي وكمان أفلام وألعاب خفة
بواسطة
Cairo 360
جاهزين لأسبوع جديد من الخروجات والمتعة؟ يلا نبدأ من النهاردة ونشوف الجديد في أجندة كايرو 360:
فريق “ملاذ” هيحيي حفلة غنائية على مسرح الجنينة. ملاذ فريق روك عربي، بيقدم أغاني الروك والميتال بكلمات عربية بسيطة. الحفلة هتبدأ الساعة 8 مساءً. وسعر التذكرة: 35 جنيه.
مساحة رووم في جاردن سيتي، هتعرض فيلم “Inside Llewyn Davis“. الفيلم بيدور عن حياة الموسيقي لوين دافيز، اللي بيعاني في حياته من أزمات الفلوس والعلاقات، علشان ينجح. العرض هيبدأ الساعة 8:30 مساءً. وسعر التذكرة: 35 جنيه.
لو بتحب الألعاب السحرية، يبقى سهرتك في علبة ألوان. علشان هتستمع بعرض ألعاب الخفة والسحر مع الفنان “عمرو خالد“. العرض هيبدأ الساعة 8:30 مساءً. وسعر التذكرة: 60 جنيه.
انبسطوا.