النهارده في القاهرة: أغاني من تراث بلدنا وأفلام هتاخدك لعالم تاني
Cairo 360
المدينة اللي مابتنامش اسم ماجاش كده من فراغ، جه من حفلات وسهرات وخروجات، وناس رايحة جاية وسهرانة للصبح. تعالو نعرف الجديد في أجندة كايرو 360:
الزار هو واحد من الأشكال الموسيقية اللي بتحتل فيها المرأة دور أساسي. وفن بتعود أصوله للعصور المصرية القديمة. فرقة مزاهر هتقدم حفلة زار مصري في مكان. الحفلة هتبدأ الساعة 8 مساءً. سعر التذكرة: 40 جنيه.
سينما مجنوليا في الزمالك، هتعرض فيلم “Bruce Almighty”. الفيلم بيدور عن “بروس” المراسل التليفزيوني، اللي بيقابل مشاكل كتيرة في شغله وحياته. لحد ما يقابل الخالق في صورة شخص عادي. ويديله قدراته يستخدمها لمدة أسبوع. العرض هيبدأ الساعة 7 مساءً. الدخول مجانًا.
أما سينما دال بجارن سيتي، هتعرض فيلم “The Birds” للمخرج ألفريد هيتشكوك. واللي بيدور عن مدينة بتهاجم الطيور سكانها، لدرجة القتل. العرض هيبدأ الساعة 7:30 مساءً. الدخول مجانًا.
ونروح لساقية الصاوي اللي ميعادنا فيها مع حفلة غنائية لفرقة “عشاق الطرب”. الحفلة هتكون في قاعة الحكمة وهتبدأ الساعة 7:30 مساء. سعر التذكرة: 25 – 30 جنيه.
يومكم سعيد.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
