النهارده في القاهرة: أفلام على شوية ألعاب حظ.. وكمان طبلة
Cairo 360
زي ما إحنا متعودين، قبل ما نخلص شغل كل يوم، نبص على أجندة كايرو 360. علشان نعرف سهرتنا فين الليلة دي:
سينما مجنوليا في الزمالك، هتعرض الفيلم البرازيلي “Aquarius“. الفيلم بيدور عن أرملة متقاعدة، عايشة في عمارة “أكواريوس” اللي اتبنت في الأربعينات. وبتلاقي كل الشقق اللي حواليها بقت مملوكة لشركة جديدة. فتدخل في صراع مع الشركة علشان تحتفظ بشقتها. العرض هيبدأ الساعة 7 مساءً. والدخول مجانًا.
جرامافون في المعادي هيستضيف حفلة “دايرة الطبول“، اللي بتقدمها رانيا عمرو. وفيها المشاركين بيتعلموا لعب الطبلة ويطوروا مهاراتهم. الحفلة هتبدأ الساعة 7 مساءً. وسعر التذكرة: 40 جنيه.
مشاريع تخرج طلبة إعلام جامعة بنها، هتعرضها ساقية الصاوي في قاعة الحكمة. ضمن احتفالية إبداع الأفلام. العرض هيبدأ الساعة 5:30 مساءً. والدخول مجانًا.
لو عايز تجرب حظك في الطاولة أو الدومينو أو حتى السلم والثعبان، يبقى ده وقتك مع حفلة ألعاب الحظ في رووم آرت سبيس. الحفلة هتبدأ الساعة 7 مساءً. وسعر التذكرة: 60 جنيه.
يومكم سعيد.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
